ہونڈا موٹر کمپنی اس سال اپنی اوسط-سائز سیڈان ہونڈا اکارڈ کی 40 ویں سالگرہ منا رہی ہے۔ جاپانی کار ساز ادارے کی جانب سے اکارڈ کا پہلا ماڈل 1976 میں متعارف کروایا گیا ہے۔ اکارڈ کی پیشکش کا مقصد منفرد انداز اور بہترین معیار کی حامل گاڑی کی مناسب قیمت پر دستیابی یقینی بنانا تھا۔ اور اب سال 2016 میں جب اکارڈ نے 40 سال مکمل کیے ہیں تو یہ کہا جاسکتا ہے کہ یہ اپنا مقصد حاصل کرنے میں کامیاب رہی ہے۔
ایک 40 سال پرانی برانڈ کے اعتبار سے دیکھا جائے تو یہ اب بھی جدید گاڑیوں سے کسی طور پر کم معلوم نہیں ہوتی ہے۔ ہونڈا نے بھی اس بات کو تسلیم کیا ہے کہ اس کی سب سے مشہور سیڈان 35 سال سے کم عمر افراد میں بہت زیادہ پسند کی جاتی ہے۔
چاہے بات ہو انداز کی، معیار کی یا پھر قیمت کی۔۔۔ ہونڈا اکارڈ (Honda Accord) ہمیشہ اپنی حریف گاڑیوں سے ایک قدم آگے ہی رہی ہے۔ یہی وجہ ہے کہ گزشتہ دہائیوں میں مجموعی طور پر 1 کروڑ 27 لاکھ ہونڈا اکارڈ فروخت کی جاچکی ہیں۔ ان اعداد و شمار کی روشنی میں اسے 40 سالوں کے دوران ہونڈا کی سب سے زیادہ فروخت ہونے والی سیڈان قرار دیا جاتا ہے۔
اس تاریخی موقع کو مزید یادگار بنانے کے لیے ہونڈا نے ایک خصوصی ویڈیو بھی جاری کی ہے۔ اس ویڈیو میں ہونڈا اکارڈ کے 1976 اور 2016 ماڈل کا موازنہ کیا گیا ہے۔ دلچسپ ویڈیو ذیل میں ملاحظہ کریں:
ہونڈا اکارڈ – ماضی اور حال
