حالیہ چند ماہ میں پاک ویلز نے مقامی مارکیٹ میں آنے والی گاڑیوں کے بارے میں جامع کوریج دی ہے۔ لیکن ایک خاص گاڑی ایسی ہے جس کے قارئین ہمیشہ منتظر رہے اور وہ ہے “یونائیٹڈ براوو”۔ کئی مرتبہ تاخیر کا شکار ہونے کے بعد بالآخر یونائیٹڈ موٹرز نے 8 ستمبر 2018ء کو لاہور میں منعقدہ ایک خصوصی تقریب میں اپنی گاڑی کو باضابطہ طور پر جاری کیا۔ اس تقریب میں دکھائی گئی گاڑیاں کمپلیٹلی بلٹ یونٹس (CBUs) تھے۔ کمپنی کے عہدیداروں نے اس وقت وعدہ کیا تھا کہ مقامی مینوفیکچرنگ جلد ہی شروع ہو جائے گی اور ڈلیوری کا آغاز دسمبر 2018ء سے ہوگا۔
بالآخر 26 نومبر 2018ء کو یونائیٹڈ موٹرز نے باضابطہ طور پر پہلی مقامی سطح پر اسمبل شدہ یونائیٹڈ براوو کا افتتاح کردیا۔ اس گاڑی کے افتتاح سے یونائیٹڈ موٹرز ٹویوٹا، ہونڈا، سوزوکی اور فا کے ساتھ چھٹی کمپنی بن گئی ہے جو پاکستان میں گاڑیاں اسمبل کرتی ہیں۔ جہاں تک پلانٹ کی گنجائش کی بات ہے، یونائیٹڈ موٹرز نے اس بارے میں کچھ نہیں بتایا لیکن کمپنی نے بروقت ڈلیوریز کی یقین دہانی کروائی ہے۔ ذیل میں آپ بکنگ کی ہدایات دیکھ سکتے ہیں:
فی الحال گاڑی تین رنگوں: سفید، سرمئی اور نقرئی میں دستیاب ہے کہ جن کی تفصیلی معلومات کچھ یوں ہے:
افتتاحی تقریب کے موقع پر ڈسپلے کے لیے موجود گاڑیوں کو اپنی گھٹیا معیار کی فنِش، پینٹ اور پینلز کی وجہ سے سخت تنقید کا نشانہ بننا پڑا تھا۔ اگر ایسی چیزیں افتتاحی تقریب کے دن بھی ہو تو یہ گاڑی کے ان پرزوں معیار پر بھی بڑے سوالات اٹھا دیتی ہیں، جو ظاہر نہیں ہیں۔ ہمیں امید ہے اور ہماری خواہش بھی ہے کہ یونائیٹڈ اپنی مصنوعات کی پیشکش میں کامیاب ہو اور صارفین کو بہترین گاڑیاں ملیں۔ قوم نے ان پر اور ان کی مصنوعات پر اعتماد کیا ہے، اب وقت آ گیا ہے کہ یونائیٹڈ ویسا ہی رویہ اختیار کرے۔
مقامی طور پر تیار کیا گیا ماڈل ایک بار ڈیلرشپس تک پہنچنے کے بعد PakWheels.com اپنے قارئین کو تفصیلی وڈیو ریویو کے ساتھ آگاہ کرے گا۔ اس لیے آتے رہیے!
