پاکستان میں آئے روز ایک سے بڑھ کر ایک موٹر سائیکل متعارف کروائی جا رہی ہے۔ یہ صورتحال نہ صرف خریداروں بلکہ پاکستان میں گاڑیوں اور موٹر سائیکل کی صنعت کے لیے بھی مجموعی طور پر مفید ہے۔
حال ہی میں یاماہا نے پاکستان میں اپنی دو 125 سی سی موٹر سائیکل متعارف کروائی ہیں جنہیں بائیک کے شوقین افراد کافی سراہ رہے ہیں۔ پہلی موٹر سائیکل یاماہا YBR 125 رواں سال کے آغاز میں پیش کی گئی اور دوسری یاماہا YBR 125G اب سے چند ماہ پہلے سامنے آئی ہے۔
اس کے علاوہ اور بھی بہت سے ادارے اس شعبے میں کام کر رہے ہیں جن میں مشہور زمانہ ہونڈا، یونیک اور میٹرو کے نام قابل ذکر ہیں۔ اس کے علاوہ راوی بھی روڈ پرنس کے ساتھ 125 سی سی موٹر سائیکل تیار کرنے میں دلچسپی لے رہا ہے۔
ہم نے پاکستان میں 125 سی سی کے زمرے میں سب سے معروف 11 موٹر سائیکلوں کے اسپیڈو میٹرز کو جمع کیا اور آج انہیں اپنے شائقین کے لیے پیش کر رہے ہیں۔ ممکن ہے کچھ اہم موٹر سائیکل اس فہرست کا حصہ نہ بن سکی ہوں جس کی وجہ مناسب تصاویر کی عدم موجودگی ہے۔ ہمیں امید ہے کہ آپ کو ہماری منفرد پیش کش پسند آئے گی۔
