نان ہائبرڈ کرولا کراس – قیمت، بکنگ اور ڈلیوری سے متعلق تفصیلات

اس سے قبل ہم نے آپ کو انڈس موٹر کمپنی (IMC) کی طرف سے نان ہائبرڈ کرولا کراس کے دو مختلف ویرینٹس 1.8 اور1.8  ایکس کی لانچ کے بارے میں بتایا تھا اور اب ہم اس نئی کراس اوور SUV کی آفیشل قیمت، بکنگ اور ڈیلیوری سے متعلق تفصیلات لے کر آئے ہیں۔

دو مختلف ویرنٹس کی ایکس ​​فیکٹری یہ قیمتیں ہیں:

کرولا کراس 1.8x  (ٹاپ ویرینٹ) – 8899000 روپے

کرولا کراس 1.8 (بیس ویرینٹ) – 8199000 روپے

بکنگ

کمپنی کے مطابق اپریل 2024 اور مئی 2024 کی بکنگ مکمل ادائیگی پر کی جائے گی۔ دریں اثنا، اگلے مہینوں کی بکنگ 300000 روپے کی جزوی ادائیگی پر کی جائے گی۔

نئی کراس اوور SUV کا آرڈر لینے کا آغاز 23 مارچ 2024 سے ہو رہا ہے۔

ڈلیوری

گاڑی کی ڈیلیوری عارضی طور پر 15 اپریل 2024 سے شروع ہوگی، جو کہ عارضی بکنگ آرڈر فارم (PBO) کی شرائط و ضوابط سے مشروط ہے۔

کمپنی نے یہ اچانک اقدام اس لیے اٹھایا ہے کیونکہ مارکیٹ میں پٹرول یا غیر ہائبرڈ کرولا کراس کی آمد کے بارے میں کوئی خبر نہیں تھی۔