پاکستانی آٹو انڈسٹری تاحال مسائل کا شکار ہے، انوینٹری اور پارٹس کی کمی ملک میں گاڑیوں کی پیداوار کی مشکلات میں اضافہ کر دیا ہے۔ ملک میں لوکل کار کمنیز یکے بعد دیگرے گاڑیوں کی پروڈکشن معطل کرنے کا اعلانات کر رہی ہیں۔ ہنڈا اٹلس نے عارضی طور پر بند اپنی گاڑیوں کی پروڈکشن کو ایک ہفتے کیلئے مزید بڑھا دیا ہے۔
کمپنی کی جانب سے جاری کردہ نوٹیفکیشن میں کہا گیا ہے کہ پروڈکشن پلانٹ 7 نومبر تک بند رہے گا۔ اس سے قبل کیے گئے اعلان میں کمپنی نے بتایا تھا کہ گاڑیوں کی پروڈکشن 24 اکتوبر 2023 سے 31 اکتوبر تک بند رہے گی۔
ہنڈا کی ہائبرڈ کار کب پاکستان آ رہی ہے؟
پاکستان میں کئی مقامی کار کمپنیز کی جانب سے ہائبرڈ ٹیکنالوجی کو اپنانے اور ہائبرڈ ماڈلز لانچ کرنے کے باوجود ہنڈا اٹلس اس بارے فیصلہ کرنے میں ہچکچاہٹ کا شکار نظر آتی ہے۔ یہاں تک کہ نئی آںے والی کمپنیز جیسا سازگار انجینئرنگ نے بھی ہائبرڈ گاڑیوں کے شوقین افراد کیلئے ہائبڑڈ ایس یو وی ایچ ای وی متعارف کروائی ہے۔ سوال یہ ہے کہ ہنڈا پاکستان میں کب اپنی ہائبرڈ کار کو منظر عام پر لانے کا ارادہ رکھتی ہے۔
پاکستان آٹو شو (PAPS) 2023 میں پاک ویلز نے ہنڈا کے حکام کے ساتھ بات چیت کی۔ دسمبر کے اوائل میں ٹویوٹا کی مقامی طور پر اسمبل شدہ ہائبرڈ کرولا کراس کی لانچ کا حوالہ دیتے ہوئے ہمارے آٹو ایکسپرٹ سنیل منج نے پاکستان میں ہنڈا کے ہائبرڈ کار لانچ کرنے کے منصوبوں کے بارے میں دریافت کیا۔ جس کے جواب میں انھوں نے کہا کہ ‘بہت جلد انشاءاللہ’۔ کمپنی آفیشل نے بتایا کہ وہ منصوبہ بندی کے مرحلے میں ہیں۔ تاہم، جب لانچ کی تاریخ جیسی مخصوص تفصیلات کے بارے میں پوچھا گیا تو جواب تھا کہ ‘ابھی کوئی اندازہ نہیں’، یعنی تمام تر تفصیلات کو پوشیدہ رکھا گیا ہے۔
ابھی تک، ہنڈا نے پاکستان میں اپنی ہائبرڈ گاڑیوں کی لانچ سے متعلق تاریخ یا مہینے کے حوالے سے کوئی معلومات شیئر نہیں کی ہیں۔ لہذا، ان معلومات سے ہمیں اس بات کا کوئی سراغ نہیں ملتا کہ ہنڈا کی ہائبرڈ کار کب پاکستانی مارکیٹ میں لانچ کرے گی۔
