نئی ہنڈا سوِک کے لانچ کے بعد اب گاڑی کے تمام ویرینٹس کے فیچرز ودیگر خصوصیات سامنے آ چکی ہیں۔ لہذا، گاڑی کے تینوں ویرینٹس کے موازنے پر نظر ڈالیں گے اور دیکھیں گے کہ کیا اِن کی مقرر کردہ قیمت (50 لاکھ سے زائد) جائز ہے۔
انجن
سوِک کے تینوں ویرینٹس میں 1500 سی سی ٹربوچارجڈ انجن دیا گیا ہے جو سٹینڈرڈ اور اورئیل ویرینٹس میں 172 ہارس پاور اور 180Nm ٹارک جبکہ RS ویرینٹ میں 176 ہارس پاور اور 220Nm پیدا کرنے کی صلاحیت رکھتا ہے۔
سٹینڈرڈ اور اورئیل ویرینٹس میں نارمل اور ایکون (ECON) موڈز ہیں جبکہ آر ایس ویرینٹ میں اسپورٹ موڈ بھی دیا گیا ہے۔
تمام ویرینٹس میں CVT ٹرانسمشن دی گئی ہے۔ ہنڈا اس ٹرانسمیشن کو سٹینڈرڈ اور Oriel ویرینٹس میں M-CVTجبکہ RS ویرینٹ میں LL-CVT ٹرانسمشن کا نام دے رہا ہے۔ ان دونوں میں کیا فرق ہے؟ کمپنی نے وضاحت نہیں کی، لیکن ہم آپ کو بتائیں گے۔
عالمی سطح پر دو CVT ویرینٹس میں قدرے مختلف گیئرنگ ریشوز ہیں جو مختلف انجن کے سائز کے ساتھ آتی ہیں۔ تینوں ویرینٹس میں انجنز کے سائز بھی مختلف ہیں۔ ہنڈا امریکی مارکیٹ میں M-CVT کے ساتھ 2.0 والا لوئر ویرینٹ اور LL-CVT کے ساتھ 1.5 لیٹر والا ٹاپ ویرینٹ پیش کر رہا ہے لیکن ہنڈا پاکستان ایک ہی سائز کے انجن کے ساتھ مختلف CVT ورژنز جوڑ رہا ہے۔
ایکسٹیرئیر
ایکسٹیرئیر کی بات کریں تو سٹینڈرڈ اور اورئیل سوِک ویرینٹس میں مینوئل ایڈجسٹمنٹ کے ساتھ ہیلوجن پروجیکشن ہیڈلائٹس نظر آتی ہیں۔ ٹاپ آف دی لائن آر ایس ویرینٹ میں آٹومیٹک ایڈجسٹمنٹ کے ساتھ ایل ای ڈی ہیڈلائٹس ہیں۔ ایل ای ڈی DRLs، لینز ٹائپ کی رئیر لائٹس اور میٹ فِنِش بلیک گرِل تمام ویرینٹس میں سٹینڈرڈ ہیں۔ اورئیل ویرینٹ میں ہیلوجن فوگ لائٹس اور آر ایس ویرینٹ میں ایل ای ڈی ہیں۔
تمام ویریئنٹس میں سائید ویومِررز الیکٹریکلی ریٹریکٹیبل ایبل جبکہ ٹاپ ویرینٹ میں ہیٹڈ دئیے گئے ہیں۔ اس کے علاوہ مِررز میں اِنٹیگریٹِڈ ٹرن انڈیکیٹرز بھی شامل ہیں۔ سٹینڈرڈ اور اورئیل ویرینٹس میں 16 انچ کے الائے ویلز ہیں جبکہ RSویریئنٹ میں 17 انچ کے الائے ویلز نظر آتے ہیں۔ تمام ویرینٹس میں الائے سپئیر وہیل بھی دیا گیا ہے۔
ٹاپ آف دی لائن ویرینٹ سوِک RS میں سیاہ پینٹ والے ڈور مِررز، ڈور ہینڈل، اینٹینا اور سپوئلر ہیں۔ علاوہ ازیں، فرنٹ اور رئیر سائیڈ پر RS کا نشان بھی نظر آتا ہے۔
انٹیرئیر
تینوں ویرینٹس میں سمارٹ کی لیس انٹری ہے۔ مِڈ اور ٹاپ ویرینٹس میں ٹرنک اوپنر بٹن بھی ہے۔ تمام ویرینٹس میں انجن پش اسٹارٹ بٹن دیا گیا ہے جبکہ ٹاپ آف دی لائن ویرینٹ میں ریموٹ انجن اسٹارٹ کا آپشنز بھی موجود ہے۔
مِڈ اور ٹاپ ویرینٹس میں ہائی گریڈ لیدر سیٹیں ہیں۔ سٹینڈرڈ ویرینٹ میں فیبرک سیٹیں ہیں جنہیں لیدر سیٹس میں اپ گریڈ کرنے کا آپشن بھی موجود ہے۔ تینوں ویرینٹس میں مینوئل سیٹ ایڈجسٹمنٹ ہے۔ لیدر سٹیئرنگ وہیل میں ٹِلٹ اور ٹیلی سکوپک ایڈجسٹمنٹ دی گئی ہے اور تمام ویرینٹس میں میڈیا اور کروز کنٹرول بٹن بھی سٹیئرنگ پر نظر آتے ہیں۔
تمام ویرینٹس میں 7 انچ کا TFT ملٹی انفارمیشن ڈسپلے (MID) اور اینالاگ گیجز ہیں۔ اورئیل اور RS ویرینٹس میں وائس ریکَگنیشن کے ساتھ 9 انچ کی اینڈرائیڈ انفوٹینمنٹ ٹچ اسکرین ہے۔ سٹینڈرڈ ویرینٹ میں 7 انچ کی اینڈرائیڈ انفوٹینمنٹ ٹچ اسکرین ہے جسے مِڈ اور ٹاپ ویرینٹس میں اپ گریڈ کیا جا سکتا ہے۔
بیس ویرینٹ میں سنگل زون آٹومیٹک کلائمیٹ کنٹرول سسٹم ہے جبکہ مِڈ اور ٹاپ ویرینٹس میں ڈوئل زون آٹومیٹک کلائمیٹ کنٹرول سسٹم دیا گیا ہے۔ تمام ویریئنٹس میں رئیر AC وینٹ بھی موجود ہیں۔
تمام ویرینٹس میں آٹو بریک ہولڈ کے ساتھ الیکٹرانک پارکنگ بریک دی گئی ہے۔ مِڈ اور ٹاپ ویرینٹس میں سن روف نظر آتا ہے۔ ٹاپ آف دی لائن RS ویرینٹ کا انٹیرئیر سیاہ ہے جس کے فرنٹ ڈور اور پاؤوں میں ایمبیئنٹ لائٹنگ، پیڈل شفٹرز اور اڈاپٹیو کروز کنٹرول دیا گیا ہے۔ بیس اور مِڈ ویرینٹس میں کروز کنٹرول ہوتا ہے (ایڈاپٹیو نہیں)۔
سیفٹی
تینوں ویرینٹس میں 2 ایئر بیگز، ) ABSاینٹی لاک بریکنگ سسٹم) کیساتھEBD (ایمرجنسی بریک ڈسٹری بیوٹر)، ) VSCوہیکل اسٹیبلٹی کنٹرول)، ) HACہل اسسٹ کنٹرول)، ) TCٹریکشن کنٹرول) اور سیکیورٹی الارم جیسے سیفٹی فیچرز دئیے گئے ہیں۔
ٹاپ ویرینٹ میں ہنڈا کے انٹیلیجنٹ حفاظتی فیچرز دئیے گئے ہیں جنھیں ہنڈا سینسنگ کہا جاتا ہے۔ ان فیچرز میں کولیژن مِٹیگیشن بریکنگ سسٹم، لیڈ کار ڈیپارچر مِٹیگیشن سسٹم، روڈ ڈیپارچر مِٹیگیشن سسٹم، اڈاپٹیو کروز کنٹرول، لین کیپ اسسٹ، ٹریفک سائن ریکگنیشن، اور آٹو ہائی بیم شامل ہیں۔
قیمت
بیس ویرینٹ کی قیمت روپے 51 لاکھ روپے جبکہ مِڈ اوریل ویریئنٹ کی قیمت 54 روپے ہے۔ اسی طرح ٹاپ ویریںٹ کی قیمت 61.5 لاکھ روپے ہے۔
آپ نے تینوں ویرینٹس کا تفصیلی موازنہ ملاحظہ کیا۔ کیا آپ کو لگتا ہے کہ نئی سوک قیمت جائز ہے؟
