ٹیگو 8 پرو/ اوشان X7/ سورینٹو/ فارچیونر / گلوری 580 پرو – تفصیلی موازنہ

آجکل پاکستانی آٹومارکیٹ میں 7 سیٹر کراس اوور ایس یو وی سیگمنٹ کافی اہمیت حاصل کر چکا ہے۔ اوشان X7 کے بعد 7 سیٹر چیری ٹیگو 8 پرو کی لانچ نے اس سیگمنٹ کو مزید اہم بنا دیا ہے۔

اس آرٹیکل میں ہم اوشان X7 کمفرٹ، DFSK گلوری 580 پرو، کِیا سوریںٹو 2.4 FWD، ٹویوٹا فارچیونر 2.7 G کا تفصیلی موازنہ کریں گے۔

سائز

گلوری 580 پرو ایک سی سگمنٹ کراس اوور ہے۔ ٹیگو 8 پرو اور اوشان سی پلس سیگمنٹ کراس اوور ہے۔ سورینٹو ڈی سیگمنٹ کراس اوور ہے جبکہ فارچیونر ڈی سیگمنٹ ایس یو وی ہے۔ ان پانچ کاروں کا سائز یہ ہے۔

ٹیگو 8 پرو کی لمبائی 4722 ملی میٹر، چوڑائی 1860 ملی میٹر اور اونچائی 1705 ملی میٹر ہے۔

اوشان X7 کی لمبائی 4730 ملی میٹر، چوڑائی 1870 ملی میٹر اور اونچائی 1720 ملی میٹر ہے۔

گلوری 580 پرو کی لمبائی 4680 ملی میٹر، چوڑائی 1845 ملی میٹر اور اونچائی 1715 ملی میٹر ہے۔

سورینٹو کی لمبائی 4800 ملی میٹر، چوڑائی 1890 ملی میٹر اور اونچائی 1685 ملی میٹر ہے۔

فارچیونر کی لمبائی 4795 ملی میٹر، چوڑائی 1855 ملی میٹر اور اونچائی 1835 ملی میٹر ہے۔

ان پانچوں گاڑیوں میں سے فارچیونر سائز میں سب سے بڑی ہے۔

انجن اور ٹرانسمشن

ٹیگو 8 پرو میں 1.6- لیٹر ٹربو چارجڈ TGDi انجن ہے جو 7 اسپیڈ DCT اور تین ڈرائیو موڈز (نارمل، ایکو، سپورٹ) کے ساتھ 195 ہارس پاور اور Nm 290 ٹارک پیدا کرتا ہے۔

اوشان  X7میں 1.5 لیٹر ٹربو چارجڈ TGDI Euro-6 انجن ہے جو 7 اسپیڈ DCT اور چار ڈرائیو موڈز (ایکو، کمفرٹ، سپورٹ، کسٹم) کے ساتھ 185 ہارس پاور اور Nm 300 ٹارک پیدا کرتا ہے۔

گلوری 580 پرو میں 1.5 لیٹر SFG Euro-5 انجن ہے جو CVT اور دو ڈرائیو موڈز (نارمل، اسپورٹ) کے ساتھ 150 ہارس پاور اور Nm 220 ٹارک پیدا کرتا ہے۔

سورینٹو میں 2.4 لیٹر DOHC تھیٹا-II انجن ہے جو 6 سپیڈ آٹومیٹک ٹرانسمشن اور تین ڈرائیو موڈز (ای، کمفرٹ، اسپورٹ) کے ساتھ 170 ہارس پاور اور  Nm 225 ٹارک پیدا کرتا ہے۔

فارچیونر میں 2.7 لیٹر 2 TR-FE انجن ہے جو 6 سپیڈ آٹومیٹک ٹرانسمشن اور دو ڈرائیو موڈز (ایکو، پاور) کے ساتھ 163 ہارس پاور اور Nm 245 ٹارک پیدا کرتا ہے۔

نئے آنے والی ٹیگو 8 پرو اور اوشان X7 7 سیٹر سیگمنٹ میں سے سب سے زیادہ طاقتور ہیں۔

ایکسٹیرئیر

ایکسٹیرئیر کی بات کریں تو اوشان X7، سورینٹو اور فارچیونر میں بائی فنکشن پروجیکٹر ہیڈلائٹس ہیں۔ ٹیگو 8 پرو اور گلوری 580 پرو میں LED ہیڈلائٹس ہیں۔ اسکے علاوہ پانچوں گاڑیوں میں ایل ای ڈی DRLs اور LED ٹیل لائٹس موجود ہیں۔

اوشان X7، سورینٹو اور گلوری 580 پرو میں الیکٹریکلی ایڈجسٹ ایبل، ریٹریکٹیبل ہیٹڈ سائیڈ ویو مررز موجود ہیں جبکہ  ٹیگو 8 پرو اور فارچیونر  میں ہیٹڈ سائیڈ مررز نہیں دئیے گئے۔ اس کے علاوہ ٹیگو 8 پرو کے سائیڈ مررز میں میموری کا فنکشن دیا گیا ہے۔

اسی طرح اوشان X7، سورینٹو اور گلوری 580 پرو اور ٹیگو 8 پرو میں پینورامک سن روف دیا گیا ہے جبکہ فارچیونر میں یہ آپشن موجود نہیں ہے۔

اوشان X7، سورینٹو اور فارچیونر میں مینوئل ٹیل گیٹس ہیں۔ ٹیگو 8 پرو اور گلوری 580 پرو میں پاورڈ ٹیل گیٹ دئیے گئے ہے۔ گلوری 580 پرو میں سمارٹ ٹرنک اوپنر اور ٹرنک کو کھولنے اور بند کرنے کے لیے کِک سینسر کی خصوصیت جیسے اضافی فیچرز موجود ہیں۔

 

فارچیونر میں 17 انچ الائے، سورینٹو، گلوری 580 پرو اور ٹیگو 8 پرو میں 18 انچ کے الائے ویلز ہیں۔ اسی طرح اوشان X7 میں 19 انچ کے الائے ویلز ہیں۔

انٹیرئیر

انٹیرئیر کی بات کریں تو اوشان X7، سورینٹو، ٹیگو 8 پرو اور گلوری 580 پرو میں لیدر سیٹس جبکہ فارچیونر میں فیبرک سیٹس ہیں۔ ٹیگو 8 پرو میں 10 وے پاورڈ  ڈرائیور اور 4 وے پاورڈ فرںٹ پیسنجر سیٹس ہیں۔ اوشانX7  کمفرٹ میں 6 وے پاورڈ ڈرائیور اور 6 وے مینوئلی ایڈجسٹ ایبل فرنٹ پیسنجر سیٹس موجود ہیں۔ گلوری 580 پرو میں 6 وے پاورڈ ڈرائیور اور 4 وے پاورڈ فرنٹ پیسنجر سیٹس دی گئی ہیں۔ سوریںٹو 2.4 FWD میں 10 وے پاورڈ ڈرائیور اور 4 وے مینوئلی ایڈجسٹ ایبل فرنٹ پیسنجر سیٹس ہیں۔  فارچیونر2.7 G  میں 6 وے مینوئلی ایڈجسٹ ایبل ڈرائیور اور فرنٹ پیسنجر سیٹس ہیں۔ ان چاروں میں سے کسی بھی گاڑی میں ہیٹڈ وینٹی لیٹڈ سیٹس نہیں ہیں۔

اوشان X7 کمفرٹ، گلوری 580 پرو اور فارچیورن2.7 G  میں سیکںڈر رو اے سی وینٹس کے ساتھ سنگل زون آٹومیٹک کلائمیٹ کنٹرول سسٹم ہے۔ ٹیگو 8 پرو اور سورینٹو2.4 FWD  میں سیکنڈ اور تھرڈ رو  ACوینٹس کے ساتھ ڈوئل زون آٹومیٹک کلائمیٹ کنٹرول سسٹم ہے۔ اسی طرح گلوری 580 Pro واحد گاڑی ہے جس میں کوئی رئیر AC وینٹ نہیں ہے۔

انسٹرومنٹ کلسٹر کی بات کریں تو ٹیگو 8 پرو میں 12.3 انچ کی TFT LCD نظر آتی ہے۔ اوشان X7 کمفرٹ میں 7 انچ کی ڈیجیٹل LCD موجود ہے۔ اسی طرح گلوری 580 پرو میں 7 انچ کی TFT LCD ہے جبکہ سوریںٹو 2.4 FWD میں 3.5 انچ کی TFT LCDدی گئی ہے۔ اسکے علاوہ فارچیونر 2.7 G میں 4.2 انچ کی TFT LCD اسکرین ہے۔

یہاں ایک اہم سوال یہ ہے کہ ان تمام گاڑیوں میں کس قسم کا انفوٹینمنٹ سسٹم دیا گیا ہے؟ ٹیگو 8 پرو اور اوشان X7 میں آواز کی شناخت کے ساتھ 10.25 انچ کی ٹچ اسکرین ہے جبکہ گلوری 580 پرو میں آواز کی شناخت کے ساتھ 7 انچ کی فلوٹنگ ٹچ سکرین موجود ہے۔ اسی طرح سورینٹو 2.4 FWD میں ایپل کار پلے اور ایںڈرائیڈ آٹو کنیکٹیویٹی کے ساتھ 7 انچ کی ٹچ سکرین ہے اور فارچیونر  2.7 Gمیں کار پلے اور ایںڈرائیڈ آٹو کنیکٹیویٹی کے ساتھ 8.95 انچ کی ٹچ سکرین ہے۔

اوشان X7 اور گلوری 580 پرو کے سٹیئرنگ ویلز میں صرف ٹلٹ ایڈجسٹمنٹ کا فیچر دیا گیا ہے۔ ٹیگو 8 پرو، سورینٹو اور فارچیونر میں ٹلٹ اور ٹیلی سکوپِک ایڈجسٹمنٹ دی گئی ہیں۔

یہاں ٹیگو 8 پرو اپنے پرتعیش اور سب سے زیادہ فیچرز رکھنے والے انٹیرئیر  کے ساتھ سب سے آگے ہے۔

سیفٹی

پانچوں کاروں میں کروز کنٹرول، ای بی ڈی (الیکٹرانک بریک ڈسٹری بیوشن) کے ساتھ اے بی ایس (اینٹی لاک بریکنگ سسٹم)، بی اے (بریک اسسٹ)، ٹی سی (ٹریکشن کنٹرول) اور ہل ہولڈ کنٹرول دیا گیا ہے۔

اوشان X7 کمفرٹ، سورینٹو 2.4 FWD اور فارچیونر  2.7 G میں رئیر کیمرہ دیا گیا ہے۔ ٹیگو 8 پرو اور گلوری 580 پرو میں 360° کیمرہ موجود ہے۔ گلوری 580 پرو میں DVR (ڈیجیٹل ویڈیو ریکارڈر) بھی دیا گیا ہے۔

ٹیگو 8 پرو، اوشان X7 کمفرٹ اور گلوری 580 پرو میں رئیر پارکنگ سینسرز ہیں۔ سورینٹو 2.4 FWD میں فرنٹ اور رئیر پارکنگ سینسرز دئیے گئے ہیں جبکہ فارچیونر 2.7 G میں پارکنگ سینسرز نہیں ہیں۔

ٹیگو 8 پرو، اوشان X7 کمفرٹ اور گلوری 580 پرو  میں TPMS (ٹائر پریشر مانیٹرنگ سسٹم) اور ESP (الیکٹرانک اسٹیبلٹی پروگرام) دئیے گئے ہیں۔ سورینٹو 2.4 FWD اور فارچیونر 2.7 G میں TPMS نہیں دیا گیا۔

ٹیگو 8 پرو میں چھ ائیر بیگز ہیں۔ اوشان   X7کمفرٹ اور  گلوری 580 پرو میں 4 ائیر بیگز ہیں جبکہ سورینٹو اور فارچیونر میں 2 ائیر بیگز ہیں۔

اوشان X7 کمفرٹ میں سمارٹ انٹری اور ایگزٹ کے لیے پراکسیمیٹی سینسر اور آن بورڈ کار ڈائیگناسٹک سسٹم موجود ہے۔ ٹیگو 8 پرو میں سیفٹی فیچرز کا ایک مجموعہ ہے جن میں لین ڈیپارچر وارننگ، بلائنڈ سپاٹ وارننگ، فرنٹ کولیژن وارننگ، ٹریفک سائن ڈِسٹِنگوئشنگ اور انٹیلیجنٹ ہائی بیم کنٹرول جیسے فیچرز موجود ہیں۔

یہاں ٹیگو 8 پرو دیگر چار 7 سیٹرز کے مقابلے میں سب سے زیادہ سیفٹی فیچرز کی مالک ہے۔

قیمت

پاکستانیوں کے لیے گاڑی کی قیمت سب سے بڑا اور فیصلہ کن عنصر ہے۔ گلوری 580 پرو کی قیمت سب سے کم ہے۔ اس کے بعد اوشان X7 کمفرٹ، ٹیگو 8 پرو، سورینٹو 2.4 FWD اور  فارچیونر2.7 G  آتی ہیں۔

گلوری 580 پرو کی قیمت 5040000 روپے، اوشانX7  کی قیمت 5750000 روپے، ٹیگو 8 پرو کی قیمت 6599000 روپے، سورینٹو کی قیمت 6836000 روپے اور فارچیونر G 2.7 کی قیمت 8569000  روپے ہے۔

اس موازنے سے ظاہر ہوتا ہے کہ اوشان X7 اور گلوری 580 پرو ایک بہترین ویلیو فار منی کار ہے۔ دونوں 60 لاکھ روپے سے کم قیمت والی 7 سیٹر کراس اوور ایس یو ویز ہیں۔ اس کے علاوہ اگر آپ کے پاس اضافی بجٹ ہے تو ٹیگو 8 پرو بھی ایک اچھی کار ہے۔