2018ء میں پاکستان میں خریدی گئی 70 فیصد گاڑیاں مقامی طور پر اسمبل شدہ تھیں: سروے
گاڑی خریدنا ایک سنجیدہ کام ہے، چاہے آپ درآمد شدہ گاڑی خرید رہے ہوں یا مقامی طور پر اسمبل کی گئی۔ مالی سال 2017-18ء میں تین بڑے اداروں ہونڈا، سوزوکی اور ٹویوٹا نے پاکستان میں کُل 2,16,786 گاڑیاں فروخت کیں جو ایک اچھی تعداد ہے۔ اس کے باوجود مقامی آٹو انڈسٹری میں اب بھی ڈیمانڈ اینڈ سپلائی یعنی طلب و رسد میں بڑا فرق ہے جو مقامی آٹو انڈسٹری میں نئے آٹومیکرز کے داخل ہونے پر کم ہو سکتا ہے کہ جو پہلے ہی اپنی گاڑیاں پیش کرنا شروع کر چکے ہیں۔
PakWheels.com نے 2018ء میں خریداری کے رحجانات جاننے کے لیے آٹوموبائل انڈسٹری سروے کیا کہ کتنے فیصد لوگوں نے درآمد شدہ گاڑیاں خریدیں اور کتنے فیصد نے برانڈ نیو زیرو-میٹر گاڑی خریدنے کا انتخاب کیا؟
سروے میں 70 فیصد جواب دینےوالوں نے کہا کہ انہوں نے مقامی طور پر اسمبل کی گئی گاڑی خریدی جبکہ 28 فیصد نے درآمد شدہ جبکہ 2 فیصد اس سے لاعلم تھے کہ گاڑی مقامی طور پر تیار شدہ ہے یا درآمد شدہ۔
اس سوال کے علاوہ شرکاء سے ایک اورسوال کیا گیا کہ انہوں نے اپنی گاڑی خریدنے کتنی رقم خرچ کی؟ 76 فیصد شرکاء نے کہا کہ انہوں نے گاڑی خریدنے پر 20 لاکھ روپے سے کم خرچ کیے جبکہ باقی نے 20 لاکھ سے زیادہ کے اخراجات کیے۔ یہ اعداد و شمار واضح کرتے ہیں کہ پاکستان ایک ابھرتی ہوئی مڈل کلاس کا ملک ہے کہ جن کی قوتِ خرید محدود ہے۔
یہ دیکھنا دلچسپ ہوگا کہ آئندہ سالوں میں کون سی گاڑیاں 20 لاکھ روپے سے کم کی رقم پر دستیاب ہوں گی کیونکہ مقامی آٹومیکرز اپنی گاڑیوں کی قیمتیں بڑھا رہے ہیں جو لوگوں کے لیے گاڑیاں خریدنا مشکل بنا رہا ہے۔ مزید یہ کہ افراطِ زر (inflation) بھی بڑھ رہی ہے جو عوام کی قوتِ خرید کو ختم کر رہی ہے خاص طور پر مڈل کلاس میں کہ جو ملک میں گاڑیاں خریدنے والا اہم طبقہ ہے۔
واضح رہے کہ ملک بھر سے 35,176 جوابات لیے گئے۔ یہ سروے عوام کی خرچ کرنے کی عادت، ڈرائیونگ کے رویّے، توقعات اور پاکستان میں آٹوموبائل سیکٹر میں عام ضابطوں کا احاطہ کرتا ہے۔
شعبے میں رہنما کی حیثیت سے PakWheels.com آٹوموبائل انڈسٹری ایسے سرویز کر رہا ہے کہ جو ہم صنعت کے تمام پہلوؤں کا احاطہ کرتے ہیں۔
جمع کردہ ڈیٹا صارفین اور اسٹیک ہولڈرز کے لیے کارآمد معلومات کا جائزہ لینے کے لیے استعمال کیا جاتا ہے۔ یہ سروے پاکستان بھر سے جواب دینے والوں پر مشتمل ہے اور ان کی خرچ کرنے کی عادات، ڈرائیونگ کے طرزِ عمل، توقعات اور آٹوموبائل سیکٹر میں رائج عام ضابطوں کا احاطہ کرتا ہے۔ آٹوموبائل سیکٹر سے متعلقہ مصنوعات بھی اس سروے میں شامل کی جاتی ہیں جیساکہ موٹر آئل، انشورنس، ٹریکنگ، ٹائر، بیٹری، رائیڈ ہیلنگ کمپنیاں، آٹوفائنانسنگ بینک اور ریڈیو چینلز وغیرہ۔ حاصل کردہ نتائج مکمل طور پر صارفین کے تجربے پر مبنی ہیں۔
آٹوموٹو انڈسٹری سے متعلقہ تمام خبروں کے لیے PakWheels.com کے ساتھ رہیے۔ اپنی رائے ہمیں نیچے تبصروں میں دیجیے۔
