نئے ٹائرز خریدتے ہوئے یہ باتیں یاد رکھیں

0 4 307

ٹائرز کسی بھی گاڑی کا اہم حصہ ہوتے ہیں، لیکن سب سے زیادہ لاپرواہی بھی انہی کے حوالے سے دکھائی جاتی ہے۔ ٹائرز بہت اہم ہیں کیونکہ: 

  • آپ کی گاڑی کی پرفارمنس ان پر depend کرتی ہے۔ 
  • وِیل الائنمنٹ اور وِیل بیلنسنگ ایک stable اور آرام دہ سفر دے سکتی ہے 
  • سڑکوں کے ہر اتار چڑھاؤ پر ٹائر ہی کار کے لیے گدّے جیسا کام کرتے ہیں اور ان جھٹکوں کو برداشت کرتے ہیں تاکہ آپ کی گاڑی کے دوسرے پارٹس متاثر نہ ہوں 
  • ٹائروں میں اچھی طرح ہوا بھرنا بہت اہم ہے کیونکہ اس سے اسٹیئرنگ پر بہتر کنٹرول ملتا ہے اور آپ کو گاڑی کو سیدھا چلانے میں مدد ملتی ہے اور وہ اِدھر اُدھر نہیں ہوتی۔ لیکن اگر ٹائروں میں ہوا ٹھیک سے نہ بھری ہوئی ہو تو کار سڑک میں ایک طرف ہونے لگتی ہے۔ 

آپ نے دیکھا کہ گاڑی کی اوورآل پرفارمنس کے لیے ٹائرز کتنے اہم ہیں تو اب ہم اس تحریر میں آپ کو کچھ ایسی چیزوں کے بارے میں بتائیں گے جو ضرورت پڑنے پر آپ کو ٹائرز خریدنے میں مدد دیں گی: 

ٹائروں پر اسپیڈ ریٹنگ 

جی، آپ نے بالکل ٹھیک پڑھا ہے، ٹائروں پر اسپیڈ ریٹنگ بھی لکھی ہوئی ہوتی ہے۔ حقیقت میں یہ محفوظ ترین ٹاپ اسپیڈ ہوتی ہے جس پر آپ کسی خاص لوڈ پر گاڑی چلا سکتے ہیں۔ ٹائروں پر اسپیڈ ریٹنگ کے لیے نمبروں کے بجائے لیٹرز کا استعمال کیا جاتا ہے۔ مثال کے طور پر P اسپیڈ ریٹنگ کے لیے استعمال ہوتا ہے۔ اگر آپ کی گاڑی ہائی پرفارمنس ہے تو آپ کو ایسی اسپیڈ ریٹنگ کے ٹائرز لینے چاہئیں جو آپ کی گاڑی کے مطابق ہوں۔ 

Aspect ریشو 

یہ بنیادی طور پر ٹائر کے سائز کا ریشو ہوتا ہے یعنی ٹائر کی چوڑائی کا اُس کی اونچائی سے تعلق۔ اگر آپ کو اس بارے میں معلومات ہوں تو اچھا ہے۔ کیونکہ اگر ٹائر چھوٹا ہے، تو یہ شور بھی نہیں کرتا اور سڑک پر بہتر ہینڈلنگ دے سکتا ہے، اور یوں چھوٹا ٹائر خراب سڑکوں پر اور خراب موسمی حالات جیسے بارش اور برف باری میں ڈرائیونگ کے لیے بہتر ہوگا۔ اس کے مقابلے میں زیادہ aspect ریشو رکھنے والے ٹائرز سستے تو ہو سکتے ہیں لیکن وہ ویسی ہینڈلنگ نہیں دے سکتے کہ جیسی آپ کی گاڑی کو ضرورت ہوتی ہے۔ 

گاڑی کی ٹائپ 

گاڑی کی ٹائپ بھی ٹائروں کے انتخاب میں اہم کردار ادا کرتی ہے۔ مثال کے طور پر کاریں، SUVs، ٹرک، کیمپرز اور دوسری قسم کی گاڑی اچھی طرح ڈرائیو کی جا سکتی ہیں جب اُن میں ایسے ٹائرز لگائے جاتے ہیں جو اُنہی کے لیے بنائے گئے ہوں۔ کیونکہ ہر گاڑی کے لیے ٹائرز مختلف ہوتے ہیں، جیسا کہ ٹرکوں کے لیے ٹائروں کی tread دوسری گاڑیوں سے زیادہ موٹی رکھی جاتی ہے تاکہ بریکنگ کے دوران یہ بہتر traction دیں اور جب آپ بریک لگائیں تو یہ ٹرک کو روکنے میں مدد دیں جبکہ ان پر وزن بھی زیادہ ہو۔ کیمپر کے معاملے میں ٹائر موٹا ربڑ رکھتے ہیں اور یہ کیمپر کے بھاری وزن کو سنبھالنے کے لیے کیا جاتا ہے۔ اس لیے آپ کو اپنی گاڑی کے مطابق ٹائر خریدنے ہوں گے۔ 

اگر آپ اپنی گاڑی کے ٹائروں کے بارے میں اور بھی کچھ جاننا چاہتے ہی تو آپ کو گاڑی کا مینوئل دیکھنا چاہیے اور اگر زیادہ بہتر انداز میں سمجھنا اور جاننا چاہتے ہیں تو قریب ہی واقع کسی ٹائر فٹنگ کمپنی میں جا سکتے ہیں۔ 

دوستو! ہماری طرف سے اتنا ہی! امید ہے کہ یہ معلومات آپ کو مدد دے گی۔ اگر آپ کچھ کہنا چاہتے ہیں تو نیچے ضرور کمنٹ کیجیے۔ 

Google App Store App Store

جواب چھوڑیں

آپ کا ای میل ایڈریس شائع نہیں کیا جائے گا.