یونائیٹڈ بائکس کی قیمتوں میں اضافہ

یاماہا اور ہنڈا کے بعد یونائیٹڈ آٹو انڈسٹری نے بھی اپنی بائکس اور سکوٹرز کی قیمتوں میں اضافہ کر دیا ہے۔

ایک نوٹیفکیشن میں کمپنی نے بتایا کہ پاکستانی روپے کے مقابلے امریکی ڈالر  کی قدر میں اضافہ، مہنگائی کے ساتھ ملک کی موجودہ معاشی صورتحال اور خام مال کی قیمتوں میں اضافے نے مجموعی طور پر قیمتوں میں اضافے پر مجبور کیا ہے۔

بائکس کی نئی قیمتیں 11 اپریل سے لاگو ہوں گی۔

یونائیٹڈ بائکس کی نئی قیمتیں

• یونائیٹڈ 70 کی قیمت میں 3000 روپے اضافہ کیا گیا ہے جس کے بعد بائک کی قیمت 103500 روپے سے بڑھ کر 106500 روپے ہو گئی ہے۔
• اسی طرح یونائیٹڈ 100 کی قیمت میں 2000 روپے اضافہ کیا گیا ہے جس کے بعد بائک کی قیمت 108500 روپے سے بڑھ کر 110500 روپے ہو گئی ہے۔
• یونائیٹڈ سکوٹی 100 کی قیمت میں کوئی اضافہ نہیں کیا گیا۔
• یونائیٹڈ 125 کی قیمت 154000 روپے سے بڑھ کر 159000 روپے ہو چکی ہے ۔ یعنی بائک کی قیمت میں 5000 روپے اضافہ کیا گیا ہے۔
• یونائیٹڈ 150 تھرل کی قیمت میں کوئی اضافہ نہیں کیا گیا۔

دو دن پہلے ملک میں موٹر سائیکل کی کمپنیاں یاماہا اور ہنڈا نے قیمتوں میں مجموعی طور 38500 اور 15000 پر روپے کے اضافے کا اعلان کیا۔ ہنڈا سی ڈی 70 کی قیمت اب 149900 روپے ہوگی ہنڈا سی جی 125 کی قیمت  222900 روپے ہوگی۔