ہم ہر ماہ گاڑیوں کی فروخت سے متعلق ایک تفصیلی ماہانہ رپورٹ لاتے ہیں جو گاڑیوں کی ماہانہ سیلز سے متعلق مکمل تفصیلات فراہم کرتی ہے۔ مقامی کار ساز کمپنیوؐں نے گزشتہ کئی ماہ تک لگاتار بدحالی کا سامنا کیا لیکن اب حالات کچھ بہتر ہیں اور 6 ماہ میں ایک دو بار ماہانہ سیلز میں معمولی بہتری دیکھنے کو ملتی ہے۔ اپریل 2024 کے بعد ایک بار پھر گاڑیوں کی فروخت میں معمولی اضافہ دیکھنے میں آیا ہے۔
پاکستان آٹو موٹیو مینوفیکچررز ایسوسی ایشن (PAMA) کی رپورٹ کے مطابق، گاڑیوں کی فروخت میں گزشتہ ماہ 4 فیصد اضافہ ہوا ہے۔ گزشتہ ماہ اپریل 24 میں 10515 گاڑیوں کے مقابلے 10949 گاڑیاں فروخت ہوئی تھی۔
اسی طرح گاڑیوں کی سیلز کا سالانہ موازنہ کیا جائے تو یہاں 100 فیصد اضافہ دیکھنے کو ملا ہے کا حیران کن اضافہ ہوا ہے جو کہ پاکستانی روپے میں طاقتور امریکی ڈالر کے مقابلے میں استحکام کی بدولت سامنے آیا ہے۔ کار مینوفیکچررز نے 10949 کاریں فروخت کیں جو پچھلے سال کی اسی مدت کے دوران 5464 گاڑیاں تھیں۔
بائکس اور رکشوں کی سیل
اسی طرح موٹر سائیکل اور رکشوں کی فروخت میں گزشتہ ماہ 10 فیصد اضافہ ہوا ہے۔ اپریل 2024 میں 107590 یونٹس کے مقابلے 118811 یونٹس فروخت ہوئے۔ اٹلس ہنڈا کی فروخت میں 9 فیصد کا اضافہ ہوا جو پچھلے مہینے 103297 یونٹس سے پہنچ گئی جبکہ اپریل 2024 میں یہ تعداد 95062 یونٹس تھی۔
دریں اثنا، پاک سوزوکی نے اپریل 2024 میں 1684 یونٹس کے مقابلے میں گزشتہ ماہ 1696 یونٹس فروخت کرتے ہوئے 1 فیصد کا معمولی اضافہ دیکھا۔
ٹرک اور بسیں
ٹرکوں اور بسوں کی فروخت میں پچھلے مہینے 8 فیصد کا اضافہ ہوا، اپریل 2024 میں 229 کے مقابلے پچھلے مہینے 247 یونٹس فروخت ہوئے۔
کمپنی وائز سیلز بریک ڈاؤن
ٹویوٹا پاکستان کی فروخت میں 1 فیصد اضافہ ہوا۔ یعنی گزشتہ ماہ کمپنی نے 2047 گاڑیاں فروخت کیں جبکہ اپریل 24 میں یہ تعداد 2065 تھی۔
دریں اثنا، ہنڈا اٹلس کی فروخت میں 18 فیصد اضافہ ہوا۔ اپریل 2024 میں 1003 یونٹس کے مقابلے میں گزشتہ ماہ 1187 یونٹس فروخت ہوئے۔پاک سوزوکی موٹرز کمپنی کی فروخت میں 0 فیصد اضافہ ہوا۔ یعنی مئی 2024 میں 6010 گاڑیاں فروخت ہوئیں جبکہ اپریل 24 میں یہ تعداد 6000 تھی۔
اسی طرح ہیونڈائی نشاط کی فروخت میں کوئی قابل کمی یا اضافہ نہیں ہوا دیکھا گیا، پچھلے مہینے 683 یونٹس فروخت ہوئے جو کہ اپریل 24 میں 686 یونٹس تھے۔
خیال رہے کہ ماسٹر چنگان موٹرز، ریگل موٹرز، کِیا لکی موٹرز، الحاج پروٹون، ایم جی موٹرز پاما کے ممبرز نہیں ہیں۔ لہذا، ان کے سیلز نمبر اس رپورٹ میں شامل نہیں ہیں۔
کار وائز سیلز بریک ڈاؤن
پاکستان سوزوکی موٹر کمپنی نے آلٹو کے 4062 یونٹس، سوزوکی کلٹس کے 229 یونٹس، سوزوکی ویگن آر کے 253 یونٹس، سوزوکی سوئفٹ کے 714 یونٹس، سوزوکی بولان کے 447 یونٹس، اور سوزوکی راوی کے 305 یونٹس فروخت ہوئے۔
ٹویوٹا انڈس نے کرولا، یارس اور کرولا کے 1562 یونٹس اور فارچیونر اور ہائی لکس کے 485 یونٹس فروخت کیے۔
ہنڈا اٹلس نے سٹی اور سوک کے 1049 یونٹس اور BR-V کے 138 یونٹس فروخت کیے۔
ہیونڈائی نشاط نے ایلانٹرا کے 108 یونٹس، سوناٹا کے 298 یونٹس، پورٹر کے 214 یونٹس، اور ٹکسن کے 298 یونٹس فروخت کیے ہیں۔
مندرجہ بالا تمام سیلز کا MoM موازنہ یہ ہے:
| Car Model | April’24 | May’24 | Difference |
| Suzuki Alto | 4, 786 | 4,062 | -15% |
| Suzuki Cultus | 320 | 229 | -28% |
| Suzuki Wagon R | 318 | 253 | -20% |
| Suzuki Bolan | 237 | 447 | 89% |
| Suzuki Ravi | 11 | 305 | 2673% |
| Suzuki Swift | 328 | 714 | 118% |
| Toyota Corolla & Yaris | 1,722 | 1,562 | -9% |
| Toyota Fortuner & Hilux | 343 | 485 | 41% |
| Honda City & Civic | 956 | 1,049 | 10% |
| Honda BRV | 47 | 138 | 194% |
| Hyundai Tucson | 253 | 298 | 18% |
| Hyundai Sonata | 95 | 63 | -34% |
| Hyundai Elantra | 111 | 108 | -3% |
| Hyundai Porter | 227 | 214 | -6% |
