ڈکی بھائی نے آڈی ای ٹرون جی ٹی کے بعد فارچیونر لیجنڈر خرید لی

ڈکی بھائی غالباً پاکستان کے سب سے بڑے یوٹیوبر نے حال ہی میں 2023 سپر وائٹ ٹویوٹا فارچیونر لیجنڈر ڈیزل 2.8 ویرینٹ خریدا ہے۔ آپ کو بتاتے چلیں کہ ڈکی بھائی کے پاس پہلے ایک ہنڈا سوک ایکس تھی جسے ڈکی بھائی نے بیچ کر نئی فارچیونر لیجنڈر خرید لی۔ ڈکی کو ان کے ایک ویلاگ میں فارچیونر کے سائیڈ پروفائلز کی خوبصورتی اور دیگر تفصیلات پر بات کرتے دیکھا گیا ہے۔ مزید یہ کہ وہ 4×4 کے اس تجربے کے بارے میں کافی پرجوش دکھائی دیتے ہیں کیونکہ اس کے قبل ڈکی کے پاس اب تک صرف سیڈان ہی تھی۔

انٹیرئیر

ڈکی نے اپنی اہلیہ عروب کے ساتھ مل کر کار کی سیر کی اور گاڑی کے نئے انٹیرئیر کی خوب تعریف کی۔ اگرچہ ان کی اہلیہ 4×4 کو ترجیح نہیں دیتیں لیکن وہ فارچیونر لیجنڈر کے پریمیم انٹیریئر سے متاثر ہے۔ فارچیونر میں سات سیٹس ہیں اور انٹیرئیر سرخ اور سیاہ رنگ کا ایک خوبصورت امتزاج ہے۔ مزید برآں، گاڑی میں لیگ سپیس کافی ہے اور رئیر سیٹس ٹرنک سپیس بنانے کیلئے فولڈ کی جا سکتی ہیں۔

بکنگ ٹائم

ڈکی کا کہنا ہے کہ انتظار اور ڈلیوری میں تاخیر کی وجہ سے انھیں اس کار کو حاصل کرنے کے لیے طویل انتظار کرنا پڑا۔ تاہم، وہ اب مطمئن دکھائی دیتے ہیں کیونکہ آخر کار انھیں اپنی کار مل گئی ہے۔

خریداری کا فیصلہ

ڈکی نے فارچیونر کا انتخاب اس لیے کیا تاکہ آف روڈنگ اور شمالی دور دراز علاقوں میں سفر کا زیادہ تجربہ ہو۔ مزید برآں، ڈکی  نے حال ہی میں Audi E-Tron GT خریدی ہے جو کہ ایک مکمل الیکٹرک کار ہے اور طویل راستوں پر آرام دہ سفر کو یقینی بنانے کے لیے بہترین آپشن ہے۔

ڈکی بھائی کی آڈی ای ٹرون جی ٹی

ڈکی بھائی کی جانب سے نئی فارچیونر لیجنڈر کی خرید کے بارے میں آپ کیا سوچتے ہیں؟ کمنٹس سیکشن میں ہمیں بتائیں۔ا