سال 2021 ختم ہونے والا ہے۔ یہ سال گاڑیوں سے متعلق کافی اہم رہا ہے۔ اس سال بہت کچھ ہوا، یعنی کہ نئی گاڑیاں، نیا بجٹ، نئی آٹو پالیسیاں، کار کی قیمتوں میں کمی، گاڑیوں کی قیمتوں میں اضافہ، پیٹرول کی قیمتوں میں اضافہ وغیرہ۔ فی الحال، ہم 2021 میں لانچ ہونے والی گاڑیوں کے بارے میں بات کریں گے۔
اس سال 1 ہیچ بیک، 5 سیڈانز، 7 کراس اوورز اور ایس یو ویز اور ایک جیپ لانچ کی گئی، یعنی 2021 میں کُل 15 گاڑیاں لانچ کی گئیں۔ جن کیں سی بی اور مقامی طور پر تیار کی جانے والے CKD یونٹس شامل ہیں۔
جنوری سے نومبر 2021 تک لانچ ہونے والی گاڑیاں یہ ہیں۔
1- یونائیٹڈ ایلفا
یونائیٹڈ ایلفا سال 2021 میں لانچ ہونے والی پہلی کار تھی۔ یہ ایک 1000 سی سی کار ہے جو 2 جنوری 2021 کو لانچ کی گئی۔ یہ گاڑی 800 سی سی براوو سے کہیں زیادہ پاورفُل ہے۔
یونائیٹڈ موٹرز نے یہ کار ہر اس شخص کے لیے متعارف کرائی ہے جو اپنی پہلی اور نئی گاڑی خریدنا چاہتا ہے۔ آپ استعمال شدہ سوزوکی ویگن آر، کلٹس اور کِیا پکانٹو کی قیمت میں ہی بالکل نئی ایلفا خرید سکتے ہیں۔
یونائیٹڈ موٹرز کی جانب سے ایک بار ایلفا کی قیمت کم کی گئی لیکن پھر بڑھا دی گئی۔ گاڑی کی قیمت وہی ہے جو لانچ کے وقت مقرر کی گئی تھی۔
2. چنگان ایلسون
2021 میں لانچ ہونے والی دوسری بجٹ سیڈان چنگان ایلسون تھی۔ کمپنی نے دسمبر 2020 میں اس گاڑی کی رونمائی کی لیکن قیمتوں کا اعلان کرتے ہوئے بکنگ کا آغاز 2021 میں کیا۔
مقامی مارکیٹ میں چنگان ایلسون کو اتنا پسند کیا کہ صرف دو دنوں میں گاڑی کے 1000 یونٹس بُک کر لیے گئے پری بکنگ مل گئی۔ لانچ کے بعد ہم نے بہت سی ایلسوین گاڑیاں سڑکوں پر دیکھی ہیں۔ ایلسون کے تین ویرینٹس کی لانچ کے وقت کی قیمتیں اور موجودہ قیمتیں یہ ہیں۔
3. MG ZS
سستی ہیچ بیک اور سیڈان کے بعد پاکستان کی سب سے سستی SUV ایم جی ZS تھی۔ MG نے ZS کو MG HS کے سستے ورژن کے طور پر اس گاڑی کو ہر اس شخص کے لیے لانچ کیا جو HS کو پسند کرتا تھا لیکن اس کو خریدنے کا متحمل نہیں تھا۔
MG HS کی طرح ZS کے بھی یونٹس درآمد کیے گئے لیکن یہ گاڑی ایم جی ایچ ایس کی طرح مقبولیت حاصل کرنے میں ناکام رہی۔ MG نے HS کی قیمت میں چند بار نظر ثانی کی لیکن ZS کی قیمت میں کوئی تبدیلی نہیں کی گئی۔
4. کِیا سورینٹو
سپورٹیج جیسی بہترین گاڑی لانچ کر کے پاکستانی خریداروں کے دل جیتنے کے بعد KIA نے فروری میں 7 سیٹر ایس یو وی کِیا سورینٹو لانچ کی۔ کمپنی نے ٹویوٹا فارچیونر کے مقابلے میں مارکیٹ میں مسابقتی قیمتوں پر سورینٹو کے تین ویریئنٹس لانچ کیے ہیں۔
دیگر تمام گاڑیوں کی طرح کِیا بھی سورینٹو کو مقامی طور پر تیار کر رہا ہے۔ چونکہ یہ ایک اعلیٰ درجے کے ایس یو وی ہے، اسی لیے صرف مٹھی بھر Sorento یونٹس نظر آتے ہیں۔
گاڑی کی بکنگ کے وقت کی قیمت اور موجودہ قیمت یہ ہے۔
5.ہیونڈائی ایلانٹرا
یونائیٹڈ ، چنگان، ایم جی اور کِیا کے بعد ہیونڈائی نے کہ مارکیٹ میں کرولا اور سوِک کے مقابلے میں پریمیم سیڈان ایلانٹرا لانچ کی۔
جب ہیونڈائی ایلانٹرا کو مارچ 2021 میں پہلی بار لانچ کیا گیا تھا تو بہت سے لوگوں نے اسے زیادہ قیمت والی گاڑی قرار دیا تھا لیکن وقت کے ساتھ ساتھ اس کی فروخت میں اضافے کے بعد صارفین اس کی قیمت سے مطمئن نظر آئے اورتب سے گاڑی کی فروخت میں اضافہ ہی ہو رہا ہے۔
ایلانٹرا کے بارے میں سب سے اچھی بات یہ ہے کہ دوسری گاڑیوں کے برعکس اس کی موجودہ قیمت لانچ کی قیمت سے کم ہے۔
6- ہیوال جولین
ہیوال جولین بھی اسی سال مارکیٹ میں لانچ کی گئی۔ ہیوال چین کے گریٹ وال موٹرز (GWM) کا ذیلی برانڈ ہے۔ کمپنی نے پاکستان کے آٹو رکشہ بنانے والی کمپنی سازگار انجینئرنگ ورکس لیمیٹڈ (SEWL) کے ساتھ شراکت داری کرتے ہوئے مارچ میں دو ایس یو ویز لانچ کیں۔ ان میں سے ایک انٹری لیول کی چھوٹی SUV ہیوال جولین تھی۔
ہیوال نے اپنی دونوں SUVs کے محدود تعداد میں CBU یونٹس درآمد کیے اور وہ تمام یونٹس ایک ہفتے کے اندر بک ہو گئے۔ بعد ازاں، کمپنی نے صرف تین دن کی مختصر مدت کیلئے جون میں بکنگ کا دوبارہ آغاز کیا۔ جس کے بعد اب تک بکنگ بند ہے کیونکہ ہیوال ابھی بھی جولین کے پہلے سے بک شدہ یونٹس کی ترسیل پر کام کر رہا ہے۔
گاڑی کی بکنگ کے وقت کی قیمت اور موجودہ قیمت یہ ہے۔
7. ہیوال H6
ہیوال H6 دوسری SUV ہے جسے سازگار انجینئرنگ پاکستان لایا ہے۔ یہ بھی ایک CBU یونٹ ہے لیکن جولین سے زیادہ پریمیم اور مہنگا ہے۔ کمپنی جولین کی طرح فی الحال H6 کے بھی بک شدہ یونٹس کی درآمد اور فراہمی میں مصروف ہے۔
کمپنی H6 کا ایک ہائبرڈ ویرینٹ بھی لانچ کرنے کا منصوبہ بنا رہی ہے۔ ہیوال H6 HEV (ہائبرڈ الیکٹرک وہیکل) کے پہلے یونٹ کی پاکستان میں ٹیسٹںگ کی جا رہی ہے۔
H6کی بکنگ کے وقت کی قیمت اور موجودہ قیمت یہ ہے۔
8. پروٹون ساگا
ایلسوین کے بعد اپریل 2021 میں ایک اور بجٹ سیڈان پروٹون ساگا لانچ کی گئی۔ ساگا کے بارے میں مزے کی بات یہ ہے کہ پروٹون نے اس سیڈان کے پانچ ویرینٹس لانچ کیے ہیں۔ ان میں سے دو لیمیٹڈ اسپورٹس ویرینٹس تھے جن کی تعداد صرف 100 یونٹس تک تھی۔
دلچسپ یہ بھی ہی کہ پاکستان میں ساگا کے درآمد شدہ CBU اور مقامی طور پر تیار کردہ CKD یونٹس موجود ہیں۔ اس سے قبل پروٹون نے ساگا کے CBU یونٹس لانچ کیے اور کئی ماہ تک کمپنی نے ساگا کے درآمد شدہ CBU یونٹس ہی فروخت کیے لیکن اب پروٹون ف مقامی طور پر تیار کردہ CKD ساگا یونٹس فراہم کر رہا ہے۔
پروٹون ساگا کے ویرینٹس کی بکنگ کے وقت کی قیمت اور موجودہ قیمت یہ ہے۔
9. ٹویوٹا کرولا کراس
عالمی سطح پر ٹویوٹا کاروں کی ہائبرڈ ٹیکنالوجی پر کام کر رہی ہے۔ کمپنی کے وژن کو ذہن میں رکھتے ہوئے، ٹویوٹا انڈس نے پاکستان میں ایک ہائبرڈ کار ٹویوٹا کرولا کراس متعارف کرائی۔
کمپنی جولائی سے اس ایس یو وی کے سی بی یو یونٹس فروخت کر رہی ہے جو تھائی لینڈ سے درآمد کی گئی تھی، جہاں یہ مسلسل تین ماہ تک سب سے زیادہ فروخت ہونے والی گاڑی تھی۔ لیکن پریمیم ہائبرڈ SUV کو مقامی مارکیٹ میں زیادہ کامیابی نہیں ملی ہے۔
ٹویوٹا نے کرولا کراس کی تین اقسام کی قیمتوں کو نہیں چھوا۔ کمپنی سی بی یو لاٹ کو پرانے نرخوں پر فروخت کرنے کی کوشش کر رہی ہے-
10. MG ZS EV
جب MG نے ZS متعارف کروائی تو کمپنی نے کہا کہ وہ SUV کا الیکٹرک ویرینٹ بھی لانچ کرے گی اور انہوں نے ایسا ہی کیا۔ کمپنی نے جون میں MG ZS EV کی قیمت کا انکشاف کیا تھا۔
چونکہ MG ZS پاکستان کی سب سے سستی SUV ہے۔ اسی لیے MG ZS EV بھی پاکستان کی سب سے سستی الیکٹرک SUV ہے۔ MG ZS EV کے بھی پاکستان میں سی بی یونٹس درآمد کی جاتے ہیں لیکن پیٹرول ویرینٹ کی نسبت اس کی قیمت کم ہے۔
11. ہیونڈائی سوناٹا
ایک اور ہیونڈائی سیڈان جو رواں سال مقامی مارکیٹ میں لانچ کی گئی وہ ہنڈائی سوناٹا ہے۔ کمپنی نے جون میں ایک خصوصی تقریب کے دوران سوناٹا کے پہلے CKD یونٹس کی نمائش کی اور بعدازاں جولائی میں اس کے دو ویرینٹس کی آفیشل قیمتوں کا اعلان کیا۔
ہیونڈائی نے سوناٹا کو اس وقت متعارف کرایا جب دیگر کار کمپنیاں اپنی جدید ترین اور بہترین SUVs مارکیٹ میں لا رہی تھیں۔ ہیونڈائی نے مقامی ڈی سیگمنٹ سیڈان کے لیے مارکیٹ میں جگہ دیکھتے ہوئے دیکھتے ہوئے اس کا فائدہ اٹھایا اور سوناٹا لانچ کر دی۔ سوناٹا ان خریداروں کے لیے بہترین کار ہے جو 6.5 سے 7.5 ملین کی قیمت میں اکارڈ یا کیمرے گاڑی خریدنا چاہتے ہیں۔
سوناٹا کے ویرینٹس کی بکنگ کے وقت کی قیمت اور موجودہ قیمت یہ ہے۔
12. ہنڈا سٹی
جب ایک طرف چنگان ایلسون اور پروٹون ساگا جیس بجٹ سیڈانز خریداروں کو اپنی طرف متوجہ کرنے کی پوری کوشش کر رہی تھیں تو دوسری جانب ہںڈا نے نے جولائی 2021 میں ہنڈا نے سٹی کی ایک نئی جنریشن لانچ کی جو مارکیٹ میں چھا گئی۔
اگرچہ ہمیں پاکستان میں جدید ترین 7 جنریشن ہنڈا سٹی نہیں ملی لیکن پھر بھی پرانی 6 جنریشن سٹی کے آفیشل لانچ اور قیمت کے ظاہر ہونے قبل ہی ہزاروں کی تعداد میں اسکے یونٹس بُک کر لیے گئے تھے۔ نئی سٹی کو مارکیٹ میں آئے کئی ماہ ہو چکے ہیں، لیکن اس کی مانگ اب بھی باقی ہے۔
سٹی کے ویرینٹس کی بکنگ کے وقت کی قیمت اور موجودہ قیمت یہ ہے۔
13. MG HS PHEV
MG ZS کا الیکٹرک ورژن لانے کے بعد کمپنی نے اپنی SUV لائن اپ میں ایک اور الیکٹرک وہیکل کا اضافہ کیا۔ اس بار کمپنی MG HS PHEV (پلگ ان ہائبرڈ الیکٹرک وہیکل) پیش کرتے ہوئے مارکیٹ میں پہلے سے ہی کامیاب پروڈکٹ کا ایک پلگ ان ہائبرڈ ویرینٹ لائی۔ دیگر تمام MG کاروں کی طرح MG HS PHEV بھی ایک CBU ماڈل ہے۔
14- کِیا سٹونک
سپورٹیج جیسی بہترین گاڑی لانچ کر کے پاکستانی خریداروں کے دل جیتنے کے بعد KIA نے فروری میں 7 سیٹر ایس یو وی کِیا سورینٹو لانچ کی۔ کمپنی نے ٹویوٹا فارچیونر کے مقابلے میں مارکیٹ میں مسابقتی قیمتوں پر سورینٹو کے تین ویریئنٹس لانچ کیے ہیں۔
دیگر تمام گاڑیوں کی طرح کِیا بھی سورینٹو کو مقامی طور پر تیار کر رہا ہے۔ چونکہ یہ ایک اعلیٰ درجے کے ایس یو وی ہے، اسی لیے صرف مٹھی بھر Sorento یونٹس نظر آتے ہیں۔
گاڑی کی بکنگ کے وقت کی قیمت اور موجودہ قیمت یہ ہے۔
15. بائک BJ 40 پلس
ہیوال کے بعد سازگار انجینئرنگ اس سال مقامی مارکیٹ میں ایک اور نئی گاڑی سامنے لے کر آیا۔ چینی کمپنی BAIC اور سازگار نے ایک دوسرے کا تعاون حاصل کرتے ہوئے مشہور جیپ رینگلر کی مقامی کاپی بنائی اور اسے نومبر میں لانچ کیا۔
ایک طرف جبکہ دوسری کمپنیز نے سیڈانز اور ایس یو ویز لانچ کیں تو دوسری جانب BAIC نے بالکل مختلف کام کرتے ہوئے مارکیٹ میں جیپ لانچ کی۔ جسے کمپنی پاکستان میں آف روڈ گاڑیوں کا بادشاہ کہہ رہی ہے۔
BAIC 10 دسمبر تک گاڑی کی بکنگ پر 2 لاکھ کا ڈسکاؤنٹ آفر کر رہی تھی۔ یہ آفر اب ختم ہو چکی ہے لیکن بکنگ ابھی بھی کھلی ہے۔
