گاڑیوں کی بڑھتی قیمتوں اور معاشی بدحالی کی وجہ سے ملکی آٹو انڈسٹری بھی مشکل وقت سے گزر رہی ہے۔ جس کی وجہ سے کار کمپنیز بکنگز کی معطلی اور پروڈکشن روکنے جیسے اقدامات اٹھانا پڑ رہے ہیں۔ دوسری جانب سے سٹیٹ بینک آف پاکستان کی جانب سے لیٹڑ آف کریڈٹس کا معاملہ حالات کو مزید خراب کر رہا ہے۔
اس صورتحال کے تحت جہاں ایک طرف ہنڈا اور ٹویوٹا کی مشہور گاڑیوں کرولا، سٹی، سوک اور یارس کی سیل میں کمی آئی ہے وہیں آلٹو کی سیلز نے ان چاروں گاڑیوں کو پچھاڑ دیا ہے۔
پاما کی ماہانہ رپورٹ (جولائی) کے مطابق سوزوکی آلٹو کی فروخت نے کرولا/یارِس اور سوِک/سٹی کی مشترکہ فروخت کو پیچھے چھوڑ دیا ہے۔
رپورٹ میں انکشاف کیا گیا ہے کہ آلٹو کی فروخت ٹویوٹا اور ہنڈا کی گاڑیوں کے 4,142 یونٹس کے مقابلے میں 4,618 یونٹس رہی۔ لہذا، آلٹو نے مسلسل ساتویں بار سب سے زیادہ فروخت ہونے والی کار کا اعزاز اپنے نام کر لیا ہے۔
|
Sales in July |
City/Civic | Corolla/Yaris | Total Sales |
| 2408 | 1734 | 4142 | |
| Alto | – | 4618 |
آلٹو کی فروخت میں اضافے کی وجہ
پاک سوزوکی نے آلٹو کی زیادہ فروخت ریکارڈ کی ہے یہاں تک کہ جب انڈسٹری مشکل سے گزر رہی ہے اور اس کی کئی وجوہات ہیں۔ پیٹرول کی بڑھتی ہوئی قیمتوں اور بڑھتی ہوئی مہنگائی نے لوگوں کو مجبور کر دیا ہے کہ آلٹو جیسی بہترین فیول ایوریج والی کار کا انتخاب کریں۔
اس کے علاوہ ایک چھوٹی کار شہر میں کے سفر کے لیے بھی بہترین آپشن ہے۔ مزید برآں، یہ گاڑی طلباء اور متوسط آمدنی والے خاندانوں میں بھی کافی مشہور ہے۔
قیمت میں کمی
ڈالر کی قدر میں کمی اور روپے کی شرح میں اضافے کے بعد، کار ساز اداروں نے کاروں کی قیمتوں میں کمی کا اعلان کرنا شروع کر دیا۔ ٹویوٹا کے بعد پاک سوزوکی نے بھی اپنی گاڑیوں کی قیمتیں کم کر دیں ہیں۔
نئی قیمتیں 16 اگست 2022 سے لاگو ہوں گی۔
سوزوکی آلٹو:
- نوٹیفیکیشن کے مطابق Suzuki Alto VX کی قیمت میں 85,000 روپے کمی کے بعد گاڑی کی قیمت 1,198,000 روپے سے کم ہو کر 1,113,000 ہو گئی ہے۔
- اسی طرح Alto VXR کی قیمت میں 98000 روپے کی کمی کر دی گئی ہے جس کے بعد گاڑی کی قیمت 1,433,000 روپے سے کم ہو کر 1,335,000 روپے ہو گئی ہے۔
- سوزوکی آلٹو کے تیسرے ویرینٹ Alto VXL AGS کی قیمت میں 112,000 روپے کمی کے بعد گاڑی کی نئی قیمت 1,521,000 روپے ہے جبکہ اس کی پرانی قیمت 1,633,000 روپے ہے۔
