نئی سوزوکی ایوری کی بکنگ اور ڈلیوری سے متعلق تفصیلات

گزشتہ بلاگز میں ہم نے مقامی طور پر تیار ہونے والی سوزوکی ایوری کی لانچ کے حوالے سے مکمل تفصیلات فراہم کی تھیں۔ ہم نے گاڑی کے فیچرز، خصوصیات، اندرونی و بیرونی تصاویر، اور دونوں ویریئنٹس کی قیمتوں کے بارے میں بھی بتایا تھا۔ تاہم، اس وقت بکنگ کی تفصیلات دستیاب نہیں تھیں۔

بکنگ اور ڈلیوری

پاک سوزوکی کی جانب سے موصول ہونی والی اپ ڈیٹس کے مطابق پاکستان میں سوزوکی ایوری کی باضابطہ بکنگ کھل گئی ہے۔ اگر آپ اسے خریدنے میں دلچسپی رکھتے ہیں تو آپ کو مکمل ادائیگی پیشگی کرنی ہوگی جبکہ متوقع ڈلیوری کا وقت تقریباً دو ماہ ہے۔

اس بارے مزید معلومات حاصل کرنے اور اپنی بکنگ کروانے کے لیے آج ہی اپنے قریبی سوزوکی ڈیلرشپ کا دورہ کریں جبکہ اور آپ کی آسانی کے لیے، مِنی وین کے دونوں ویریئنٹس کی قیمتیں یہ ہیں:

• ایوری27,99,000 (VXR VVT) روپے
• ایوری 27,49,000 (VX) روپے

سوزوکی ایوری کا ایکسٹیرئیر

مقامی طور پر تیار کی گئی یہ منی وین ایک کلاسک Kei کار ڈیزائن کی عکاسی کرتی ہے۔ اس کی فرنٹ پر مستطیل نما سائیڈ-سوئپٹ ہیلوجن ہیڈلائٹس شامل ہیں، جن میں ہائیٹ ایڈجسٹ کرنے کی خصوصیت ہے۔ اس کے ساتھ ایک چھوٹی گرل ہے جس میں ڈوئل انٹیکس اور تین ایئر انٹیکس موجود ہیں۔

سائیڈ پر سلائیڈنگ دروازے ہیں، جن میں کی لیس انٹری جیسے آپشنز ہیں۔ پچھلے حصے میں چھوٹے، لو ماؤنٹڈ ریکٹینگولر ٹیل لائٹس، رئیر وائپر اور 13 انچ کے سٹیل کے ویلز شامل ہیں۔ مجموعی طور پر مقامی سوزوکی ایوری کا بیرونی ڈیزائن کافی باکسی اور سادہ ہے۔

انٹیرئیر

کیبن کے اندر آتے ہی، ایوری کا ہائی ماونٹڈ ڈیش بورڈ نظر آتا ہے۔ اس کے دیگر فیچرز میں دو رنگوں پر مبنی انٹیریئر (سیاہ اور سرمئی)، فیبرک سیٹس، اے بی ایس، فرنٹ سیٹ ایڈجسٹمنٹ (ممکنہ طور پر 4-وے)، پانچ سیٹ بیلٹس، اے سی، ایک ایئر بیگ، دو کپ ہولڈرز، اور ایم پی 3 آڈیو سسٹم شامل ہیں۔

انجن

سوزوکی ایوری کا انجن اور کارکردگی کافی معمولی ہے۔ اس میں 660 سی سی انجن ہے جو 5 سپیڈ مینوئل ٹرانسمیشن کے ساتھ منسلک ہے، جو 49 ہارس پاور اور 62 نیوٹن میٹر ٹارک پیدا کر سکتا ہے۔

آپ مقامی طور پر اسمبل کی گئی سوزوکی ایوری کے بارے میں کیا سوچتے ہیں؟ ہمیں کمنٹس سیکشن میں ضرور بتائیں۔