عام طور پر سال کے آخر تک گاڑیوں کی فروخت سست ہو جاتی ہے کیونکہ لوگ نئے سال کا انتظار کرتے ہیں تاکہ نئے سال میں اپنی کسی بھی پسندیدہ گاڑی کا نیا ماڈل خریدیں۔ لیکن حیران کن طور دسمبر 2021 میں گاڑیوں کی فروخت میں بڑا اضافہ دیکھنے میں آیا ہے۔ صارفین جانتے تھے کہ منی بجٹ میں گاڑیوں کی قیمتوں میں اضافہ کیا جائے گا۔ شاید اسی لیے انھوں نے گاڑیوں کی قیمتوں میں اضاف سے قبل ہی گاڑیاں بُک کروائیں۔
پاکستان آٹو موٹیو مینوفیکچررز ایسوسی ایشن (PAMA) نے دسمبر 2021 کی گاڑیوں کی ماہانہ سیل رپورٹ پیش کی ہے۔ رپورٹ کے مطابق پاما کے چار اراکین (پاک سوزوکی، ٹویوٹا انڈس، ہونڈا اٹلس، اور ہنڈائی نشاط) نے دسمبر میں کل 27331 کاریں فروخت کیں جو کہ نومبر میں فروخت ہونے والی 18714 گاڑیوں کے مقابلے میں ماہ بہ ماہ 46 فیصد اضافہ ہے۔
کمپنی وائز سیلز بریک ڈاؤن
ٹویوٹا انڈس پاما کا واحد ممبر تھا جس نے دسمبر میں اپنی سیل میں کمی دیکھی۔ کمپنی نے گزشتہ ماہ 6214 یونٹس فروخت کیے۔) ماہ بہ ماہ کمی: (2%
پاک سوزوکی نے دسمبر میں ریکارڈ 15503 کار یونٹس فروخت کیے۔ (ماہ بہ ماہ اضافہ: (82%
اس ماہ ہنڈا اٹلس کی سیل بھی اچھی رہی۔ مہینہ بھی اچھا رہا۔ کمپنی نے دسمبر میں ریکارڈ 4708 گاڑٰیاں فروخت کیں۔ (ماہ بہ ماہ اضافہ: (56%
ہیونڈائی نشاط نے ماہ دسمبر میں 762 یونٹس فروخت کیں۔ اس طرح یہ ماہ کمپنی کے لیے سیل کے لحاظ سے متوازی تھا۔ تھا۔ ۔ (ماہ بہ ماہ اضافہ: (2%
دیگر تمام کار کمپنیاں بشمول کِیا لکی موٹرز، ماسٹر چنگان موٹرز، ریگل موٹرز، ایم جی موٹرز اور الحاج موٹرز پاما ممبرز نہیں ہیں۔ ان کمپنیز کی سیلز اس رپورٹ میں شامل نہیں ہیں۔
کار وائز سیلز بریک ڈاؤن
سوزوکی نے نومبر میں آلٹو کی سب سے کم فروخت ریکارڈ کی لیکن اگلے ہی ماہ دسمبر میں سب سے زیادہ فروخت بھی ریکارڈ کی۔ کمپنی نے آلٹو کے 9195 یونٹس، کلٹس کے 1411 یونٹس، سوزوکی ویگن آر کے 2861 یونٹس، سوزوکی بولان کے 1040 یونٹس اور سوزوکی سوئفٹ کے 2 یونٹس فروخت کیے۔
ٹویوٹا انڈس نے لگاتار تیسری بار یارس سے زیادہ کرولا یونٹس فروخت کیے۔ کمپنی نے یارس کے 1971 یونٹس، کرولا کے 3180 یونٹس، ہائی لکس کے 641 یونٹس جبکہ فارچیونر کے 422 یونٹس فروخت کیے ہیں۔
اسی طرح ہنڈا اٹلس نے سوِک اور سٹی کے 4405 یونٹس جبکہ BR-V کے 303 یونٹس فروخت کیے ہیں۔
ہیونڈائی نشاط نے ایلانٹرا کے 228 یونٹس، سوناٹا کے 169 یونٹس، پورٹر کے 135 یونٹس، اور ٹکسن کے صرف 230 یونٹس فروخت کیے ہیں۔
تمام کاروں کی فروخت کا ماہ بہ ماہ موازنہ ذیل میں درج ہے۔
