ملکی معیشت بدترین مشکلات کا شکار ہے، آٹو انڈسٹری کے حالات بھی کافی خراب ہیں، پروڈکشن کی بندش کی وجہ سے کمپنیز کی سیلز متاثر نظر آتی ہیں۔ ان تمام معاملات سے نمٹنے سے مقامی سطح پر گاڑیاں تیار کرنے والی کمپنیز مختلف حربے آزما رہی ہیں۔
کِیا نے اپنی مختلف ڈیلرشپس پر نیرو ای وی اور سٹنگر کی نمائش کی تاکہ صارفین کی توجہ اپنی طرف مبذول کروائی جا سکے۔ اسی طرح چنگان نے بھی صارفین ک توجہ پانے کیلئے ایسی ہی ایک آفر کا اعلان کیا ہے جس کا تعلق ایلسون کے ساتھ ہے۔
چنگان پاکستان کی آفر
کمپنی نے ایلسون کی قیمت میں 2 لاکھ روپے کی کمی کی ہے جس کے بعد صارفین انشورنس پلان، رجسٹریشن سے متعلقہ چھوٹ، قبل از وقت ڈیلیوری اور پرائس لاک خیال رہے کہ کمپنی نے یہ کمی محدود مدت کیلئے کی ہے لیکن یہ آفر کب ختم ہو گی یہ نہیں بتایا۔
خیال رہے کہ یہ پیشکش کمپنی کی ایس یو وی اوشان X7 اور مِنی وین کاروان کے لیے نہیں ہے بلکہ صرف ایلسون تک محدود ہے۔ چنگان پاکستان کے مطابق، پیشکش محدود مدت کے لیے ہے لیکن اس کی میعاد ختم ہونے کا ذکر نہیں کیا گیا۔
گزشتہ ماہ گاڑیوں کی فروخت میں 8 فیصد کمی
پیداوار میں مانگ میں مسلسل کمی نے گاڑیوں کی فروخت کو کافی متاثر کیا ہے۔ پاکستان آٹو موٹیو مینوفیکچررز ایسوسی ایشن (PAMA) کی رپورٹ میں انکشاف کیا گیا ہے کہ دسمبر 2022 میں کاروں کی فروخت میں 8 فیصد کی کمی واقع ہوئی ہے۔ کار ساز کمپنی نے گزشتہ ماہ 16,984 کاریں فروخت کیں جو کہ گزشتہ سال نومبر میں 18,531 گاڑیاں تھیں۔ جبکہ سال بہ سال (YoY) کی فروخت میں 38 فیصد کی کمی واقع ہوئی، مالی سال 23 کی پہلی ششماہی میں 84,088 کاریں فروخت ہوئیں جبکہ 2022 کے مالی سال کی پہلی ششماہی مدت میں فروخت ہونے والیوں کی تعداد 135,976 گاڑیاں تھیں۔
کار فنانسنگ میں کمی کا سامنا
گزشتہ ماہ کے کاروں کی فروخت کے بعد آٹو فنانسنگ میں بھی کمی کا سامنا ہے۔ رپورٹس میں بتایا گیا ہے کہ کس طرح زبردست مہنگائی اور درآمدی پابندیوں نے ملک میں کار فنانسنگ سیکٹر کو تباہ کر دیا ہے۔ جون 2022 سے نومبر تک 26 بلین روپے کمی آئی ہے۔
چنگان پاکستان کی نئی پیشکش کے بارے میں آپ کا کیا خیال ہے؟ کمنٹس سیکشن میں اپنے خیالات کا اظہار کریں۔
