پیٹرول کی قیمتوں میں مسلسل اضافے کے بعد عوام نے نقل و حمل کیلئے الیکٹرک سکوٹرز کا استعمال کرنا شروع کر دیا ہے۔ الیکٹرک بائکس اور خاص طور پر الیکٹرک سکوٹر کی طرف عوام کا رجحان بڑھ رہا ہے۔ اس دوران متعدد مینوفیکچررز نے اپنے الیکٹرک سکوٹرز اور بائکس مارکیٹ میں متعارف کروائیں اور Evee بھی ان میں سے ایک ہے، آپ پاک ویلز کی ویب سائٹ پر ان کے ماڈلز بشمول Evee C1، Evee C1 Pro اور Evee Gen-Z کے ریوئیوز حاصل کر سکتے ہیں۔ اس بار ایک نئی پروڈکٹ Evee C1 Air کے ساتھ آیا ہے جس کا ریوئیو ذیل میں دیا گیا ہے۔
ڈیزائن اور سٹائل
درحقیقت یہ سکوٹر اسٹائلنگ میں کچھ مختلف نہیں ہے جبکہ مارکیٹ میں موجود دیگر سکوٹرز جیسا ہی ہے۔ مجموعی طور پر مارکیٹ میں دستیاب تمام پروڈکٹس ایک جیسے نظر آتے ہیں۔ یہ Evee C1 Air اپنے منفرد فرنٹ اور ٹیل لائٹ کے ساتھ آتا ہے۔ اس پورے سکوٹر میں سیاہ اور سلور رنگ کا بہترین امتزاج بھی دیکھنے کو ملتا ہے اس کے علاوہ یہ صرف سلور رنگ میں بھی دستیاب ہے۔ اس کے علاوہ یہ ایل ای ڈی انڈیکیٹرز، سیٹ کشننگ، پیلین رائڈر بیک سپورٹ، اور گریب ہینڈل کے ساتھ آتا ہے۔
بیٹری اور کارکردگی
اس Evee C1 Air میں 72V 35AHگرافین بیٹری اور 2000 واٹ کی پاور والی الیکٹرک موٹردی گئی ہے۔ کمپنی کا دعویٰ ہے کہ اس کی رینج فی چارج 120 کلومیٹر ہے۔ تاہم، اس کی چارجنگ کا وقت 5 سے 6 گھنٹے ہے، اور بیٹری 800 چارجنگ سائیکلز تک چلتی ہے جو تقریباً 2 سے 3 سال تک کا عرصہ بن جاتا ہے۔ اس سکوٹر میں چار ڈرائیونگ موڈ دستیاب ہیں جبکہ زیادہ سے زیادہ سپیڈ 70 کلومیٹر فی گھنٹہ ہے۔
دیگر خصوصیات
دیگر نمایاں خصوصیات میں ریورس ڈرائیونگ موڈ، انڈیکیٹر سوئچز، پارکنگ لیمپ، ڈیجیٹل سپیڈومیٹر، فرنٹ اور رئیر ڈسک بریک، یو ایس بی چارجنگ پورٹ، فرنٹ سٹوریج پاکٹ، 12 انچ کے رِمز کے ساتھ ٹیوب لیس ٹائرز شامل ہیں۔
Evee سی 1 ایئر کی قیمت
اس سکوٹر کی قیمت 300000 روپے ہے اور یہ ڈور سٹیپ ڈلیوری آپشن کے ساتھ آتا ہے۔
