پاکستان کے وزیر خزانہ محمد اورنگزیب نے چند روز قبل اپنی بجٹ تقریر میں پیٹرول اور ڈیزل پر عائد کی گئ پیٹرولیم لیوی میں 20 روپے فی لیٹر کے اضافے کی تجویز پیش کی (جو کہ فنانس بَل منظور ہونے کے بعد باقاعدہ نافذ بھی ہو چکی ہے) جس سے یہ ظاہر ہوچکا تھا ہے کہ موجودہ حکومت آنے والے پندرہ دنوں میں پیٹرولیم مصنوعات کی قیمتوں میں اضافہ کرے گی۔
یعنی کہ عوام توقع کر رہے تھے کہ پیٹرول کی قیمتوں میں کوئی بھی اضافہ، بلاشبہ، پیٹرول لیوی میں حالیہ اضافے کی وجہ سے ہوگا لیکن اس کے برعکس اگر حکومت لیوی میں اضافہ نہ کرے اور اس کے باوجود پیٹرول کی قیمت میں 7 روپے تک کا اضافہ کر دے تو اس کا مطلب کیا ہوگا؟ یہی کہ ابھی پیٹرولیم لیوی کی وجہ سے پیٹرولیم مصنوعات کی قیمتیں مزید بڑھنا باقی ہیں۔
خیال رہے کہ دو دن پیٹرول کی قیمتوں می اضافہ تیل کی عالمی قیمتوں میں اضافے کے پیش نظر کیا گیا ہے جبکہ اور ابھی تک لیوی کا عائد ہونا باقی ہے؟
اس کا سیدھا مطلب یہ ہے کہ ہم ایندھن کی قیمتوں میں یکے بعد دیگرے چھوٹے یا درمیانے درجے کے اضافوں کا مشاہدہ کریں گے، جس کے بعد پیٹرول کی قیمت 290 سے روپے 300 فی لیٹر تک جا سکتی ہے اور یہ حیرت کی بات نہیں کیونکہ وزیراعظم شہباز شریف نے بھی آئندہ قیمتوں میں اضافے کا اعتراف کیا ہے۔ انہوں نے کہا ہے کہ یہ اضافہ ایک ہی وقت میں نہیں بلکہ مختلف مراحل میں ہوگا۔
اس سے قبل ہم نے آپ کو آگاہ کیا تھا کہ حکومت کی جانب سے پیٹرول کی قیمت میں 9.84 روپے اضافے کا امکان ہے, بشمول 5روپے فی لیٹر لیوی، جس کے بعد پیٹرول کی قیمت میں 15 روپے فی لیٹر تک اضافے کے بھی امکانات تھے۔۔
پٹرول کی قیمت میں موجودہ نظرثانی
مسلسل چار بار کمی کے بعد پاکستان میں پیٹرول کی قیمت میں 7.45 روپے فی لیٹر کا اضافہ کر دیا گیا ہے۔ جس کے بعد پیٹرول کی قیمت 265.61 روپے فی لیٹر ہو چکی ہے جبکہ پرانی قیمت 258.16 روپے لیٹر ہو چکی ہے۔ اسی طرح ڈیزل کی قیمت میں بھی 9.56 روپے فی لیٹر اضافہ کیا گیا ہے جس کے بعد ہائی سپیڈ ڈیزل کی قیمت 277.45 روپے فی لیٹر ہو چکی ہے۔ نئی قیمتوں کا اطلاق یکم جولائی 2024 سے ہوچکا ہے۔
موجودہ حکومت آئی ایم ایف کی تجویز کردہ اصلاحات کے تحت ملک کے تنخواہ دار اور متوسط طبقے پر بوجھ ڈالنے کے لیے یہ قدم اٹھانے پر مجبور ہو گئی ہے تاکہ بین الاقوامی مالیاتی فنڈ (آئی ایم ایف) کے ساتھ آنے والے قرض کے پروگرام کو محفوظ بنایا جا سکے۔
حکومت کے حالیہ اقدام پر آپ کی کیا رائے ہے؟ کیا آپ کے خیال میں یہ جائز ہے؟ کمنٹس سیکشن میں اپنی رائے کا اظہار کریں۔
