مقامی سطح پر موٹر سائیکل بنانے والی کمپنی اٹلس ہنڈا لمیٹ MY24 میں 25 ملین ڈالر کی برآمدات کے نئے ہدف کو پورا کرنے کا منصوبہ رکھتی ہے۔ گزشتہ سال 2023 میں کمپنی کی مالیاتی کارکردگی کے بارے میں سرمایہ کاروں کو آگاہ کرنے کے لیے ایک کارپوریٹ طریفنگ سیشن میں کمپنی نے اپنی بائکس ایران اور عراق کو برآمد کرنے کے منصوبے کا انکشاف کیا ہے۔
اسمعیل اقبال سیکیورٹیز (IISL) نے کمپنی کی انتظامیہ کے حوالے سے بتایا کہ “کمپنی کو ایک ایکسپورٹ آرڈر موصول ہوا ہے جو MY24 میں تقریباً 25 ملین ڈالر کا اضافہ کرے گا۔
ATLH | Corporate Briefing Takeaways | MY24 pic.twitter.com/2SoTUby5yu
— Ismail Iqbal Securities (@iispl_sec) July 19, 2023
صنعتی تجزیہ کار عراق اور ایران کو اٹلس ہنڈا کے لیے ممکنہ مارکیٹ سمجھتے ہیں کیونکہ کمپنی دونوں مارکیٹس میں اپنی جگہ بنا چکی ہے۔
ہنڈا کی MY24 میں کارکردگی؟
ایک بریفنگ سیشن میں، انتظامیہ نے انکشاف کیا کہ کمپنی نے MY23 میں 1.1 ملین یونٹس فروخت کیے جو پچھلے سال 1.3 ملین تھے۔ اٹلس ہنڈا کو توقع ہے کہ MY24 میں تقریباً 1 ملین یونٹس فروخت ہوں گے جبکی متوقع صنعتی حجم 1.3 سے 1.5 ملین یونٹس کے درمیان ہے۔
کمپنی انتظامیہ کے مطابق جہاں تک ڈومیسٹک ڈیمانڈ کا تعلق ہے، فی الحال، طلب کا دو تہائی حصہ جس میں دیہی صارفین اور ترسیلات زر کے صارفین شامل ہیں، برقرار ہے۔ تاہم، اربن ڈیمانڈ افراط زر کے دباؤ کی وجہ سے متاثر ہوئی ہے۔
کمپنی نے مزید بتایا کہ اس کی سب سے مشہور بائک CD70 کی لوکلائزیشن 94.4 فیصد تک پہنچ گئی ہے جب کہ CG125 اور Pridor کی بالترتیب 92 فیصد اور 84.3 فیصد ہے۔ مزید برآں، کمپنی نے خام مال کی درآمد میں کسی رکاوٹ کا سامنا نہیں کیا اور فی الحال خام مال کا ذخیرہ برقرار رکھا ہے جو آسانی سے 4 ماہ تک چل سکتا ہے۔
کمپنی نے یہ بھی انکشاف کیا کہ 80 فیصد چینی موٹر سائیکل سازوں نے موجودہ معاشی بدحالی کے درمیان انڈسٹری چھوڑ دی کیونکہ وہ مروجہ درآمدی پابندیوں کا اثرات برداشت نہیں کر سکتے تھے۔
