آج صبح ہم نے ایک اپ ڈیٹ شیئر کی جس میں بتایا گیا تھا کہ دیوان فاروق موٹرز لمیٹڈ (DFML) نے ایک نئی کمرشل گاڑی کِیا شہ زور لانچ کی ہے اور اب کئی گھنٹوں بعد کمپنی کی جانب سے ایک اور اپ ڈیٹ سامنے آئی ہے۔ دیوان فاروق موٹرز نے پاکستان میں اپنی پہلی الیکٹرک گاڑی لانچ کی ہے، جسے “Honri Ve” کا نام دیا گیا ہے۔
پچھلے بلاگ میں ہم نے اس الیکٹرک گاڑی کے فیچرز اور دیگر خصوصیات شئیر کی تھیں۔ تاہم، یہاں اس بلاگ میں گاڑی کی خصوصیات لائے ہیں جن میں آپ گاڑی کے ایکسٹیرئیر اور انٹیرئیر کو بغور دیکھ سکتے ہیں۔
ایکسٹیرئیر
کار کے بروشر میں بتایا گیا ہے کہ یہ گاڑی فرنٹ ڈسک بریک ہیں اور رئیر میں ڈرم بریکس کے ساتھ آتی ہے۔ 155/65/R15 سائز کے ساتھ الائے رمز دئیے گئے ہیں۔ مزید یہ کہ گاڑی میں رئیر سپوئلر اور ہیلوجن ہائیٹ ایڈجسٹ ایبل فرنٹ ہیڈ لیمپس آتے ہیں۔ ڈوئل ٹون سائیڈ ویو مررز کے ساتھ اشارے، کروم اور بلیک فرنٹ گرل، اور ڈی آر ایل بھی گاڑی میں ںظر آتے ہیں۔
انٹیرئیر
گاڑی کے انٹیرئیر کی بات کریں تو یہاں الیکٹرک پاور سٹیئرنگ، نوب ٹائپ ٹرانسمیشن، ڈرائیور اور پیسنجرز دونوں کے لیے 4 طرفہ سیٹ ایڈجسٹمنٹ، ریئر ویو کیمرہ، فرنٹ اور رئیر الیکٹرک ونڈوز، رئیر سیٹ فولڈنگ، 5 انچ کلر انسٹرومنٹ کلسٹر، 10.25 اینڈرائیڈ سسٹم اور 220 وولٹ کا AC چارجنگ گن کے ساتھ انچ کی انفوٹینمنٹ اسکرین دیکھنے کو ملتے ہیں۔
گاڑی کا سائز
Honri Ve 3517 ملی میٹر لمبی، 1495 ملی میٹر چوڑی اور 1660 ملی میٹر اونچی ہے جبکہ وہیل بیس 2495 ملی میٹر اور گراؤنڈ کلئیرنس 130 ملی میٹر ہے۔
پرفارمنس
کمپنی کے مطابق گاڑی میں ٹرنری لیتھیم بیٹری اور پرمنینٹ سنکرونس موٹر دی گئی ہے جو 30Kwپاور اور 84 نیوٹن میٹر ٹارک کے ساتھ 100 کلومیٹر فی گھنٹہ رفتار رکھتی ہے۔ مزید برآں، کار کا چارجنگ ٹائم 7 گھنٹے ہے جبکہ اس کی رینج 200 کلومیٹر فی چارج ہے۔
اس کے علاوہ یہ کار اکانومی اور سپورٹس ڈرائیونگ موڈز اور ری جنریٹیو بریک سسٹم کے ساتھ آتی ہے۔
