جہاں ایک طرف بِگ تھری کے دو اہم رکن سوزوکی پاکستان اور ٹویوٹا انڈس موٹر کمپنی ملک میں جاری معاشی مسائل کی وجہ سے سیلز اور پروڈکشن میں کمی کے مسائل کا سامنا کر رہی ہے تو دوسری جانب ہیونڈائی نے اس دوران ایک اہم سنگ میل عبور کر لیا ہے۔
ہیونڈائی نشاط موٹرز پرائیویٹ لمیٹڈ (HNMPL) جو کہ مقامی کارانڈستری میں نئی آنے والی کمپنی ہے، ملک کے ممتاز کار ساز اداروں میں اپنا نام درج کر رہی ہے۔ حالیہ پیش رفت کے مطابق کمپنی نے 25000 گاڑیوں کی مقامی پیداوار کا جشن منایا۔
دریں اثنا، کمپنی سرمایہ کاروں، شراکت داروں اور صارفین کی خاطر خواہ حمایت کو شکریہ ادا کرتی ہے جنھوں ملک میں ہیونڈائی کاروں کا خیرمقدم کیا۔ آپ کو بتاتے چلیں کہ ٹوسان کی زبردست مقبولیت نے کار ساز کو اس سنگ میل کو منانے میں مدد کی۔
پاما کی رپورٹ کے مطابق ستمبر میں ہیونڈائی کی فروخت میں زبردست اضافہ دیکھا گیا۔ کمپنی نے ماہ بہ ماہ فروخت میں 860 فیصد اضافہ دیکھا۔ یہاں، سہرا ٹوسان کی فروخت میں بہت زیادہ اضافے کو جاتا ہے۔ کمپنی نے ایک ماہ میں SUVs کے تقریباً 1000 یونٹ فروخت کیے ہیں۔
مزید برآں، جہاں دیگر کار ساز کمپنیاں تاخیر سے ڈیلیوری کے سبب کم فروخت کے خطرے کا سامنا کر رہی تھیں، وہاں HNMPL ایک مختلف حکمت عملی کے ساتھ آیا، اور ڈلیوری ٹائم کے وقت کو ایک ماہ سے بھی کم کر دیا۔
ٹویوٹا پاکستان کے منافع میں 76 فیصد کمی
رپورٹس کے مطابق ٹویوٹا پاکستان نے مالی سال 2022-23 کی پہلی سہ ماہی کے لیے 1.297 بلین روپے کا منافع کمایا ہے جبکہ گزشتہ سال کے اسی دورانیے میں یہ منافع 5.42 بلین روپے تھا۔ یعنی کمپنی کو منافع میں 76 فیصد کمی کا سامنا کرنا پڑا ہے۔
مزید برآں، کمپنی کی نیٹ سیلز فروخت میں بھی 43 فیصد کی کمی ہوئی ہے۔ جس کے بعد نیٹ سیلز65.5 بلین روپے سے کم ہو کر 37.24 بلین رہ گئی ہیں۔
