کِیا نے صارفین کیلئے سپیشل لیمیٹڈ آفر متعارف کروا دی

پچھلے سال جون میں، ہم بجٹ میں کار انڈسٹری کو متوقع ریلیف کے بارے میں سوچ رہے تھے اور ایک بار پھر ہم بالکل اسی مقام پر ہیں جہاں حالات گزشتہ سال سے بھی بد تر ہیں۔ سیاسی اور معاشی انتشار نے حالات کو مزید خراب کر دیا ہے جس کے باعث انڈسٹری تباہی کے دہانے پر ہے۔

کیا سمیت ملک کی تمام کار کمپنیز جو شدید نقصان کا سامنا ہے اور مارکیٹ میں رہنے کیلئے ہر طرح کی کوشش کر رہے ہیں۔ مختلف کمپنیز کی جانب سے آفرز کا سامنے آنا بھی اسی کوشش کا ایک حصہ ہے۔

کیا نے اپنی تمام کاروں کے ماڈلز کے لیے محدود مدت کیلئے ‘فوری ڈیلیوری’ کی آفر کا اعلان کیا ہے۔

مطلب، صارفین اس پیشکش سے فوری طور پر فائدہ اٹھا سکتے ہیں۔ جس کے بعد صارف کو ڈیلیوری کے انتظار اور مستقبل قریب میں قیمتوں میں اضافے جیسے مسائل سے بچنے کا موقع ملے گا۔

کمپنی پکانٹو، سپورٹیج، سورینٹو، سٹونک اور کارنیوال کیلئے یہ آفر دے رہی ہے۔

اسی طرح کیا موٹزر کے بعد چیری موٹرز پاکستان نے بھی اسی طرز کا اعلان کیا ہے۔ کمپنی نے اپنے صارفین کو چیری ٹیگو 8 پرو کی ‘فوری ڈیلیوری’ کی آفر پیش کی ہے۔

آفرز کی وجہ؟

ان آفرز کی وجہ جاری معاشی خرابی ہے جس کی وجہ سے صنعتی تباہی مقامی کار سیکٹر کو تباہ کر رہی ہے۔ پاکستان سوزوکی موٹر کمپنی (PSMC) سب سے زیادہ متاثر کمپنی کے طور پر سامنے آئی ہے۔ کمپنی نے وزیراعظم پاکستان ایک خط لکھا ہے جس میں اس بات پر زور دیا گیا ہے کہ وہ آئندہ 2023-24 کے بجٹ جو 9 جون 2023 کو پیش کیا جانا ہے، میں نئے ٹیکس لگانے یا موجودہ محصولات میں اضافہ کرنے سے باز رہیں۔

وزیر اعظم کو لکھے گئے خط میں کمپنی نے ان سنگین حالات کا اظہار کیا جن کا اسے اس وقت سامنا ہے۔ رواں سال کی پہلی سہ ماہی میں پہلے ہی 12.9 بلین روپے کا کافی نقصان اٹھانے کے بعد پاک سوزوکی نے اس کی وجہ موجودہ معاشی غیر یقینی صورتحال کو قرار دیا ہے۔