کل، ہمیں کِیا موٹرز پاکستان کی سوشل میڈیا پوسٹ سے ایک اشارہ ملا کہ کمپنی مقامی مارکیٹ میں کچھ نیا لا رہی ہے لیکن ہمیں اس بارے مکمل معلومات حاصل نہیں تھیں کہ کمپنی کیا لانے والی ہے۔
کمپنی کی جانب سے شئیر کی گئی ہوسٹ میں ایک سیاہ اور سفید آرٹ ورک میں ساحل سمندر پر ایک شیر دکھایا گیا اور اعلان کیا گیا ہے خصوصی آپ کے لیے کچھ نیا جلد آ رہا ہے۔
اس بارے ہم نے مزید معلومات لینے کے لیے اپنے ذرائع سے رابطہ اور ابتدائی طور پر ہمیں محدود تفصیلات موصول ہوئیں۔ ہمارے ذرائع نے انکشاف کیا کہ یہ پوسٹ کِیا سپورٹیج سے متعلق تھی۔ آپ کے ساتھ اس اپ ڈیٹ کو شیئر کرنے کے چند گھنٹے بعد کِیا موٹرز پاکستان نے سوشل میڈیا پر کِیا سپورٹیج کے ‘کلیئر وائٹ’ لمیٹڈ ایڈیشن کو متعارف کرانے کا اعلان کرتے ہوئے ہمارے ذرائع کی جانب سے ملنے والی خبر کی تصدیق کر دی۔
کیا موٹرز نے ایک پیشکش کا بھی اعلان کیا جس میں کہا گیا ہے کہ صارفین کی پوری قیمت یعنی 9300000 روپے ادا کر کے یہ گاڑی بُک کر سکتے ہیں۔ اور گاڑی بُک کروانے پر 150000 روپے کا کیش بیک بھی حاصل کر سکتے ہیں۔
سپورٹیج بلیک ایڈیشن
اس سے قبل کار اسمبلر نے مئی 2023 میں سپورٹیج کا ایک خصوصی بلیک ایڈیشن لانچ کیا۔ اس ایڈیشن میں دئیے گئے فیچرز یہ ہیں:
- 19 انچ کے بلیک الائے رمز
- سیاہ چمکدار فرنٹ گرِل
- بلیک مولڈنگ سائیڈ سِل
- ڈارک ساٹن فنش مولڈنگ بیلٹ لائن
- چمکدار سیاہ سکڈ پلیٹ
- پریمیم بلیک لیدر سیٹس
یہ گاڑی بلیک ایڈیشن بلیک گرل، الائے، اور سکڈ پلیٹس کے ساتھ آئی تھی اور اسپورٹیج کے شوقین افراد کیلئے نئے منظر عام پر آنے والے ‘کلیئر وائٹ’ ایڈیشن میں اسی کی توقع کر سکتے ہیں کیونکہ جب پاکستان میں سفید رنگ سب سے زیادہ مقبول ہو تو سفید گرل، سفید سکڈ پلیٹیں گاڑی کے سٹائل اور ڈیزائن ایک نیا اضافہ ہوگا۔
کِیا موٹرز پاکستان کی جانب سے نئے اعلان کے بارے میں آپ کا کیا خیال ہے؟ کِیا اسپورٹیج کے ‘کلئیر وائٹ’ ایڈیشن کے بارے میں آپ کا کیا کہنا ہے؟ کمنٹس سیکشن میں ہمیں بتائیں۔
