نیا کِیا شہ زور لانچ کر دیا گیا – خصوصی تصاویر دیکھیں

ایک ہفتہ قبل ہم نے آپ کو مطلع کیا تھا کہ دیوان فاروق موٹر لمیٹڈ (DFML) مقامی طور پر اسمبل کرد کمرشل گاڑی “کیا شہرزور” کو متعارف کروانے کی تیاری کر رہا ہے۔ بعدازاں، میں ہم نے آپ کو گاڑی کی لانچنگ کی تاریخ کے بارے میں بھی آگاہ کیا اور آج کراچی میں ایک تقریب میں کمپنی نے اس گاڑی کی رونمائی کر دی ہے۔

پچھلے بلاگ میں ہم نے کِیا شہزور کی لانچ، فیچرز اور دیگر خصوصیت کے بارے میں آپ کو تفصیل سے آگاہ کیا جبکہ اس بلاگ میں ہم آپ کیلئے خصوصی تصاویر لے کر آئے ہیں جہاں آپ گاڑی کے ایکسٹیرئیر اور انٹیریر کو تفصیلی طور پر دیکھ سکتے ہیں۔

ایکسٹیرئیر

گاڑی میں ہائیڈرولک سروس بریک ہے جبکہ فرنٹ پر وینٹیلیٹڈ ڈِسک اور رئیر پروفائل میں ڈرم ڈسک بریک دیکھنے کو ملتی ہے۔ دریں اثنا، گاڑی میں سادہ ہیلوجن ہیڈ لیمپ اور انڈیکیٹر، ایک بلیک ٹاپ گرِل بھی نظر آتی ہے۔

انٹیرئیر

گاڑی میں راک اینڈ پنین پاور سٹیئرنگ،AM/FM  ریڈیو، ایک ایش ٹرے، کیبن لائٹ، دروازے کا آرم ریسٹ، ڈور ٹرِم، ایک ہیٹر، روف ٹرِم، فیبرک سیٹ میٹریل، فیبرک سٹیئرنگ میٹریل، ایک 3 سپوک TPU سنوائزر ہے۔ اس کے علاوہ یہاں ایک ٹرپ میٹر اور ایک بِلٹ ان ونڈ سکرین وائپر بھی دیا گیا ہے۔

گاڑی کا سائز

گاڑی 5095 ملی میٹر لمبی، 1740 ملی میٹر چوڑی اور 1996 ملی میٹر اونچی ہے جبکہ وہیل بیس 2415 ملی میٹر ہے۔ مزید برآں، گراؤنڈ کلیئرنس 200 ملی میٹر ہے جس کے ڈیک کی چوڑائی 1630 ملی میٹر ہے۔ ڈیک کی لمبائی تین مختلف ویریںٹس میں مختلف ہے، یعنی سٹینڈرڈ میں 3165 ملی میٹر، کنگ میں 2925 ملی میٹر اور گرینڈ کیبن میں 2215 ملی میٹر ہے۔

انجن اور کارکردگی

کار میں یورو 2 نیچرلی ایسپائریٹڈ 2665 سی سی انجن دیا گیا ہے جو 79 ہارس پاور اور 164 نیوٹن میٹر ٹارک پیدا کرتا ہے۔ انجن میں 6 سپیڈ مینوئل ٹرانسمیشن دی گئی ہے۔

گاڑی کی تصاویر دیکھنے کے بعد آپ اس کمرشل کِیا شہزور کے بارے میں کیا سوچتے ہیں؟ کمنٹس سیکشن میں بتائیں۔