کِیا نے اپنی پہلی پلگ اِن ہائبرڈ سپورٹیج متعارف کروا دی

آٹوموٹیو انڈسٹری تیزی سے الیکٹرک وہیکلز (EVs) کی طرف منتقل ہو رہی ہے۔ کار کمپنیز اپنی نئی الیکٹرک وہیکلز متعارف کروا رہی ہیں اور اپنے پرانے ماڈلز کی جگہ الیکٹرک اور ہائبرڈ ویرینٹس لا رہے ہیں۔ یہی وجہ ہے کہ KIA نے اپنی  SUVsمیں ایک پلگ ان ہائبرڈ ویرینٹ کو بھی شامل کیا ہے۔ کمپنی نے اپنی پہلی پلگ اِن ہائبرڈ سپورٹیج متعارف کروا دی ہے۔

کیا سپورٹیج PHEV 2023

PHEV ویرینٹ 5 جنریشن کِیا سپورٹیج میں ایک نیا اضافہ ہے جو پچھلے سال جون میں سامنے آئی تھا۔ اُس وقت کِیا نے ایک معیاری 2500 سی سی پیٹرول ویرینٹ اور 1600 سی سی ٹربو چارجڈ انجن اور 44.2 کلو واٹ الیکٹرک موٹر کے ساتھ ایک ہائبرڈ ویرینٹ متعارف کرایا۔ جس کے بعد اب کمپنی نے تیسرے پلگ اِن ہائبرڈ ویرینٹ کی رونمائی کی ہے۔

پاور

کیا سپورٹیج PHEV میں 1600 سی سی ٹربوچارجڈ انجن کے ساتھ 13.8kWh بیٹری اور 66.9kW کی پاورفُل الیکٹرک موٹر دی گئی ہے۔ اس کے علاوہ گاڑی میں 6 سپیڈ آٹو سپیڈ ٹرانسمشن دی گئی ہے۔

گاڑی کا انجن 177 ہارس پاور اور Nm265 ٹارک پیدا کرنے کی صلاحیت رکھتا ہے، جبکہ الیکٹرک موٹر 90 ہارس پاور فراہم کرتی ہے۔ کمپنی نے مشترکہ آؤٹ پُٹ کا انکشاف نہیں کیا لیکن اندازے کے مطابق پاور کے اعداد و شمار 261 ہارس پاور اور 350Nm ٹارک ہیں۔

فیول ایوریج

کمپنی کا کہنا ہے کہ پلگ اِن ہائبرڈ سپورٹیج کی صرف الیکٹرک ڈرائیونگ رینج 32 میل (51.5 کلومیٹر) ہے۔

چارج ٹائم

7.2 کلو واٹ کے چارجر اور 240 V لیول 2 چارجنگ کے ذریعے گاڑی کو دو گھنٹے یا اس سے کم وقت میں مکمل چاج کیا جا سکتا ہے۔

ٹرم لیولز

کمپنی 2023 سپورٹیج پرٹرم لیولز کی وسیع رینج پیش کر رہا ہے۔ جن میں LX, EX, SX, SX-Prestige, X-Line, X-Pro,  اور X-Pro Prestige شامل ہیں لیکن PHEV ویرینٹ صرف تین X-Line ٹرمز میں آئے گا۔

آفیشل لانچ

کِیا سپورٹیج  PHEV2022 کی تیسری سہ ماہی میں امریکہ میں فروخت کے لیے پیش کیا جائے گا۔ کمپنی جلد ہی گاڑی کی آفیشل قیمتوں، تفصیلات اور دیگر خصوصیات کو سامنے لائے گی۔

کِیا کی پہلا پلگ ان ہائبرڈ سپورٹیج امریکی مارکیٹ میں ہیونڈائی ٹوسان PHEV، فورڈ ایسکیپ PHEV اورٹویوٹا  RAV4پرائم کو ٹف ٹائم دے سکتی ہے۔