موٹروے پر سفر کے لیے ایم ٹیگ لازمی قرار

موٹر ویز پر سفر کو آسان بنانے کے لیے نیشنل ہائی وے اتھارٹی (NHA) اور موٹروے پولیس نے تمام گاڑیوں کے لیے M-Tag رجسٹریشن کو لازمی قرار دیا ہے۔ خیال رہے کہ یہ اقدام 5 فروری 2024 سے لاگو ہو چکا ہے۔ اس اقدام کا مقصد ٹریفک کے تیز اور زیادہ موثر بہاؤ کو یقینی بناتے ہوئے انٹری اور ایگزٹ کے عمل کو ہموار کرنا ہے۔

اس سے قبل ایم ٹیگ کے استعمال کی حوصلہ افزائی کی گئی تھی لیکن لازمی  نہیں قرار دیا گیا تھا۔ تاہم، ٹریفک کے انتظام کو مزید بہتر بنانے کے لیے، تمام گاڑیوں کو اب اس الیکٹرانک ٹول کے نظام سے لیس ہونا چاہیے ورنہ پریشان کا سامنا کرنا پڑ سکتا ہے۔

اپنا ایم ٹیگ حاصل کریں: تصدیق کے لیے اپنی گاڑی کی رجسٹریشن اور شناختی کارڈ کے ساتھ کسٹمر کیئر سنٹر پر جائیں اور نامزد ٹول پلازوں پر ایم ٹیگ حاصل کریں۔

جرمانے سے بچیں: جرمانے سے بچنے کے لیے موٹر ویز پر سفر سے پہلے یقینی بنائیں کہ آپ کا M-Tag رجسٹرڈ ہے۔

ایم ٹیگ کے فوائد:

تیز ترین سفر: ٹول بوتھس پر زیادہ دیر رکنے کی ضرورت نہیں ہوگی۔

ٹریفک کے ہجوم میں کمی: تیز ترین انٹری اور ایگزٹ سے ٹریفک کی لمبی قطاروں میں کمی

سہولت: ایم ٹیگ ہموار سفر کو یقینی بناتا ہے۔

ایم ٹیگ موٹروے پاکستان کیسے حاصل کریں؟

آپ کی گاڑی کے لیے ایم ٹیگ حاصل کرنے کا عمل کافی آسان ہے۔ درج ذیل دستاویزات کے ساتھ M-2 موٹروے ایم ٹیگ جاری کرنے والے بوتھ پر جائیں:

• CNIC
• کار رجسٹریشن بک
• ڈرائیور کا لائسنس
• کورونا ویکسینیشن سرٹیفکیٹ

ایم ٹیگ رجسٹریشن فیس

اب آپ اپنی گاڑی کے لیے M Tag ID مفت نہیں حاصل کر سکتے۔ گاڑیوں کے مالکان جو ایم ٹیگ حاصل کرنا چاہتے ہیں انہیں اب فیس بھی ادا کرنا ہوں گے۔ نیشنل ہائی وے اینڈ موٹروے پولیس کے ایک اہلکار نے کہا کہ FWO موٹر ویز پر مالیاتی نظام کو کنٹرول کرتا ہے اور فیس اتھارٹی کو جائے گی۔