ایکسپریس نیوز کی ایک رپورٹ کے مطابق اسلام آباد موٹروے ایم 1 پر واش روم ریٹس میں 50 فیصد اضافہ کر دیا گیا ہے۔
اس سے قبل موٹروے ایم ون 1 ریسٹ ایریاز پر کھانے کی اشیا کی قیمتوں میں بھی اضافی کیا گیا تھا اور اب واش روم ریٹس بھی بڑھا دئیے گئے ہیں۔ واش روم کے ریٹس 50 روپے سے بڑھا کر 80 روپے کر دی گئی ہے جو کہ کافی زیادہ ہے۔ بہت سے لوگوں نے اس کیخلاف احتجاج کے علاوہ شکایت بھی کی ہے۔
مسافروں نے خاص طور پر نیشنل ہائی وے اتھارٹی سے شکایت کرتے ہوئے کہا ہے کہ وہ اس مسئلے کا ںوٹس لیں۔ اس کے علاوہ دیگر آفیشلز سے بھی رابطہ کیا گیا ہے۔ ہم نے بھی معاملے کی چھان بین کیلئے موٹروے پولیس سے رابطہ کیا لیکن ہمیں کوئی جواب موصول نہیں ہوا۔
ریٹس میں اضافوں کی تاریخ
2018 میں لگژری ریسٹ رومز پاکستان کے تمام موٹرویز کے سروس ایریاز میں ایک بہترین اضافہ تھا۔ اگرچہ یہ ایریا کے عملے کے لیے ایک مستحکم آمدنی کا ذریعہ بنا لیکن دوسری جانب اس سے مسافروں کو ایک صاف ستھرے واش رومز استعمال کرنے کو ملے۔ عام پبلک واش رومز کو عام طور پر مسافر خراب حفظان صحت کے باعث استعمال کرنے سے گریز کرتے تھے، لیکن یہ صاف ستھرا متبادل بہترین چیز تھی۔ لیکن اب ن کی قیمتوں میں اضافہ بھی مہنگائی سے متاثرہ خواتین کیلئے مشکلات میں اضافہ کر رہا ہے۔
حقیقت یہ ہے کہ ان فیسوں میں 50 فیصد سے زیادہ اضافہ کیا گیا ہے جس سے موٹر وے سروس کے علاقوں میں مہنگائی میں اضافہ ہوا ہے۔
آپ اس اضافے کے بارے میں کیا سوچتے ہیں؟ کمنٹس سیکشن میں اپنی رائے کا اظہار کریں۔
