اس اونر ریوئیو میں ہم ایک منفرد کار نیسان اورا نِسمو 2022 ایڈیشن پر بات کریں گے۔ یہ ایک الیکٹرک ہائبرڈ کار ہے اور دیکھنے میں نہ صرف خوبصورت ہے ماڈرن ٹیکنالوجی سے لیس بھی ہے۔ اونر نے حال ہی میں اس کار کو درآمد کیا اور ہمارے ساتھ اس کار کا تجربہ شیئر کیا۔
خریداری کا فیصلہ
اونر نے بتایا کہ اس نے اس کار کو اس کی فیول ایوریج، کمفرٹ، خوبصورت اور سپورٹی شکل کی وجہ سے خریدا۔
انٹیرئیر
نیسان نِسمو کا انٹیرئیر کافی سپورٹی نظر آتا ہے جہاں سیاہ اور سرخ کا امتزاج تھیم کو مزید جاذب نظر بناتا ہے۔ کار کے انٹیرئیر کو مزید خوبصورت بنانے والے فیچرز میں ریکارو کی سیٹس، کاربن فائبر پینلنگ، ڈائنامک انفارمیشن کلسٹر، سپورٹی سٹیئرنگ وہیل، ایک بڑا آڈیو یونٹ، ایک گیئر نوب وغیرہ شامل ہیں۔
فیچرز
اس کے علاوہ نیسان نِسمو میں دئیے گئے دیگر فیچرز میں پُش سٹارٹ، یو ایس بی چارجر، اڈاپٹیو کروز کنٹرول، لین کیپنگ اسسٹ، آٹو بریکنگ، الیکٹرانک پاور سٹیئرنگ، وائرلیس چارجر، ہیٹیڈ سیٹس، سٹیئرنگ وہیل اور آٹومیٹک کلائمیٹ کنٹرول جیسی متاثر کن خصوصیات شامل ہیں۔ مزید برآں، تین الگ الگ ڈرائیونگ (ایکو، نارمل اور نسمو) شامل ہیں۔
فیول ایوریج
جیسا کہ اونر نے دعویٰ کیا ہے، شہر کے اندر 22 کلومیٹر فی لیٹر جبکہ لمبے سفر پر 26.27 کلومیٹر فی لیٹر کی فیول ایوریج دیتی ہے۔
قیمت
اس کار کی قیمت تقریباً 12.5 ملین روپے ہے جو کہ واقعی حیران کن ہے۔
دیکھ بھال اور پارٹس کی دستیابی
اونر بتاتا ہے کہ نِسمو ایڈیشن کی دیکھ بھال اس کے لیے ٹھیک ہے کیونکہ وہ مجاز ڈیلرشپ کا انتخاب کرتا ہے اور گاڑی کے پارٹس آسانی سے دستیاب ہیں۔ مزید یہ کہ، اوسطاً، تیل کی تبدیلی پر مالک کو ہر 5000 کلومیٹر کے بعد تقریباً 8000-10000 روپے کا خرچہ آتا ہے۔
نیسان اورا نسمو ایڈیشن کے بارے میں آپ کے کیا خیالات ہیں؟ کمنٹس سیکشن میں ہمیں بتائیں۔
