گزشتہ ماہ پاکستان میں سوِک کی پروڈکشن صفر رہی

پاکستان میں معاشی بدحالی اپنی عروج پر ہے جس سے نکلنے میں پاکستان مہینوں نہیں بلکہ سالوں لگیں گے۔ یہ ملکی آٹو انڈسٹری کیلئے مشکل ترین وقت ہے۔

ٹویوٹا انڈس موٹرز (IMC) اور پاکستان سوزوکی موٹر کارپوریشن (PSMC) بار بار پیداوار روکنے کا اعلان کر رہے ہیں۔ BIG 3 میں سب سے چھوٹی ہنڈا کمپنی بھی ملک میں اپنے قیام کے بعد سے مشکل ترین وقت کا سامنا کر رہی ہے۔ رپورٹس کے مطابق پچھلے مہینے میں ایک سوِک بھی نہیں بنائی گئی اور نہ ہی کوئی فروخت ہوئی ہے۔ خیال رہے کہ کورونا کے بعد یہ پہلی بار ہے، ہنڈا نے سوِک کی زیرو سیلز یا پیداوار کا مشاہدہ کیا ہے۔

ہنڈا نے ہمیں اس خراب (صفر پیداوار اور فروخت) کی وجہ پیداوار میں رکاوٹ بتائی ہے۔ پیداوار بند ہونے کی بنیادی وجہ سٹیٹ بینک آف پاکستان (SBP) کی طرف سے عائد کردہ ‘درآمدی پابندیاں’ ہیں جس کی وجہ سے کوئی انوینٹری موجود نہیں ہے۔ اس دوران اچھی خبر یہ ہے کہ ہنڈا کاروں کے لیے بکنگ کھلی ہے۔

یہ بات قابل ذکر ہے کہ اس وقت پاکستان میں ہنڈا اٹلس کی پروڈکشن معطل ہے۔ ہونڈا اٹلس نے اپنے پروڈکشن پلانٹ کی بندش کو مزید 15 دن تک بڑھانے کا فیصلہ کیا ہے۔

ہنڈا اٹلس کا پلانٹ بند

لیٹرز آف کریڈٹ (LCs) اور غیر مستحکم معیشت کے دوران ہنڈا اٹلس نے اپنے پروڈکشن پلانٹ کی بندش کو دو ہفتوں سے زیادہ بڑھانے کا فیصلہ کیا ہے۔

پاکستان سٹاک ایکسچینج (PSX) کو لکھے گئے خط میں، کار اسمبلر نے معیشت کی خرابی کی وجہ سے سپلائی چین میں خلل کے ساتھ ساتھ خام مال اور CKD کی درآمدات پر پابندیوں کو شٹ ڈاؤن کی بنیادی وجوہات قرار دیا۔ خط میں اس اقدام کی وجہ کے طور پر غیر ملکی ادائیگیوں کو روکنے کا بھی ذکر کیا گیا ہے۔

خط میں مزید کہا گیا کہ نتیجے کے طور پر کمپنی اپنی پیداوار کو جاری رکھنے کی پوزیشن میں نہیں ہے اور بالآخر 01 اپریل 2023 سے 15 اپریل 2022 تک اپنے پلانٹ کو بند رکھا جائے گا۔