چند دن پہلے ہم نے آپ کو بتایا کہ پاکستان سوزوکی باضابطہ طور پر سٹاک ایکسچینج سے ڈی لسٹ ہونے کی تیاری کر رہی ہے۔ جس کے بعد پاک سوزوکی سے متعلق ایک اور خبر موجود ہے اور وہ یہ کہ کار بنانے والی کمپنی نے رواں سال کی تیسری سہ ماہی میں بڑا منافع کمایا ہے۔
پاکستان سوزوکی موٹر کمپنی لمیٹڈ (PSMC) نے 30 ستمبر 2023 کو ختم ہونے والی سہ ماہی میں ٹیکس ادا کرنے کے بعد 3.8 بلین روپے منافع کی رپورٹس شئیر کی ہیں جبکہ گزشتہ سال کی اسی مدت کے دوران یہ منافع 2.48 بلین روپے تھا۔
پاک سوزوکی نے کیا کمایا؟
ٹاپ لائن سکیورٹیز کے مطابق، زیادہ گراس مارجن کی وجہ سے نتائج توقعات سے زیادہ اچھے آئے ہیں۔ کاروں کی قیمتوں میں اضافے کی وجہ سے والیومیٹرک فروخت میں 34 فیصد کمی کے باوجود، سہ ماہی کے لیے سال بہ سال آمدنی مستحکم رہی۔ سہ ماہی کی بنیاد پر، آمدنی میں 40 فیصد اضافہ ہوا، اس کے ساتھ کاروں کے حجم میں 47 فیصد اضافہ ہوا۔
2023 کی تیسری سہ ماہی میں، کمپنی کی فروخت 29.9 بلین روپے کی تھی یعنی کہ 0.38 فیصد کا معمولی اضافہ دیکھا گیا ہے۔ اس کے برعکس 30 ستمبر کو ختم ہونے والے نو مہینوں کی سیلز میں سالانہ 48 فیصد کمی واقع ہوئی، جو کہ پہلے 142 روپے تھی اور اب کم ہو کر 73 ارب روپے رہ گئی ہے۔
اس کے نتیجے میں، گراس مارجن 2023 کی تیسری سہ ماہی کے لیے 14.1 فیصد اور 30 ستمبر کو ختم ہونے والے نو مہینوں کے لیے 11.4 فیصد رہا۔ بکنگ میں کمی کے ساتھ، دیگر آمدنی میں سالانہ 39 فیصد کی کمی دیکھی گئی، یعنی 1.6 بلین روپے کے مقابلے پچھلے سال کی اسی مدت میں 2.6 بلین ریکارڈ کی گئی۔
کمپنی نے بنیادی طور پر شرح مبادلہ میں اضافے کی وجہ سے، جیسا کہ ٹاپ لائن سیکیورٹیز نے رپورٹ کیا ہے، تیسری سہ ماہی کے دوران 144.5 ملین روپے کی آمدنی حاصل کی۔
