دنیا کی جدید معیشتوں کی کارکردگی میں ایندھن کی قیمتوں کا بڑا کردار پایا جاتا ہے۔ اسی طرح پاکستان میں پیٹرول کی قیمتوں کا تعلق مہنگائی میں کمی یا اضافے سے ہے۔
میڈیا رپورٹس کے مطابق پیٹرول کی قیمت میں 9 روپے کمی کا امکان ہے جو کہ 16 جون 2024 سے اگلے پندرہ دن کے لیے مقرر کی جائے گی۔ اگر ایسا ہوتا ہے تو پیٹرول کی قیمت 259.36 روپے فی لیٹر ہو جائے گی جبکہ موجودہ قیمت 268.36 روپے ہے۔ اہم بات یہ ہے کہ پاکستان میں ایندھن کی قیمتوں میں یہ مسلسل پانچویں بار کمی کی جائے گی۔
دریں اثنا، ہائی سپیڈ ڈیزل (HSD) اور مٹی کے تیل کی قیمت میں بھی بالترتیب 5 اور 2 روپے کی کمی کی اطلاع ہے۔ جس کے بعد دونوں اشیا کی قیمتتیں ، 265.22 اور روپے 184.86 فی لیٹر روپے کی نئی شرح پر پہنچ جائین گی۔
رپورٹس میں بتایا گیا کہ گزشتہ دو ہفتوں میں عالمی مارکیٹ میں ہائی سپیڈ ڈیزل اور پٹرول کی قیمتوں میں بالترتیب $2.7 اور $3.75 فی بیرل کی کمی کی وجہ سے پاکستان میں پیٹرول کی قیمتوں میں کمی کا امکان ہے۔
پیٹرولیم لیوی میں اضافہ اور اس کے اثرات
حال ہی میں نئے مالیاتی بجٹ 2024-25 میں حکومت نے پیٹرول اور ڈیزل پر پیٹرولیم لیوی کو گزشتہ 60 روپے فی لیٹر سے بڑھا کر 80 روپے فی لیٹر کر دیا گیا ہے۔ خیال رہے کہ پیٹرولیم لیوی میں اضافے کی وجہ سے ایندھن کی قیمتوں میں آنے والے دنوں میں زبردست اضافہ دیکھنے میں آئے گا اور یہ حیرت کی بات نہیں کیونکہ وزیراعظم نے آئندہ قیمتوں میں اضافے کا اعتراف بھی کیا ہے اور کہا کہ یہ اضافہ ایک بار میں نہیں بلکہ مختلف مراحل میں ہوگا۔
پیٹرول کی قیمت میں آنے والی کمی اور جولائی میں متوقع اضافے کے بارے میں آپ کا کیا خیال ہے؟ کمنٹس سیکشن میں ہمیں بتائیں۔
