پاکستان میں گاڑیوں کے شوقین افراد کے لیے سال 2025 ایک بڑی خوشخبری لے کر آیا ہے۔ اس سال نہ صرف نئی گاڑیاں بلکہ الیکٹرک اور ہائبرڈ گاڑیاں بھی مقامی مارکیٹ میں متعارف کروائی جا رہی ہیں۔ حال ہی میں، کِیا لکی موٹرز نے پاکستان میں Peugeot 2008 Facelift پیش کی ہے۔ اس سے پہلے ایک بلاگ میں ہم نے اس گاڑی کی بیرونی اور اندرونی تبدیلیوں پر بات کی تھی، مگر وہ محض الفاظ کی حد تک تھی۔
اب ہم آپ کے لیے اس گاڑی کی خصوصی تصاویر لے کر آئے ہیں تاکہ آپ اس کی تمام تبدیلیوں کو بخوبی دیکھ سکیں۔ ان تصاویر میں گاڑی کے بیرونی ڈیزائن، اس کے اندرونی حصے میں کی گئی تبدیلیاں اور لگژری فیچرز کو نمایاں کیا گیا ہے۔
بیرونی حصہ
نئی Peugeot 2008 میں کئی شاندار بیرونی تبدیلیاں کی گئی ہیں جو اس کی خوبصورتی اور جدت کو بڑھاتی ہیں۔ اس میں تین ماڈیولز پر مشتمل مکمل LED ہیڈلائٹس لگائی گئی ہیں، جن کے ساتھ Peugeot کے مخصوص تین پنجوں والی LED DRLs (Daytime Running Lights) بمپر میں خوبصورتی سے ضم کی گئی ہیں۔ گاڑی کا اگلا حصہ فریم لیس فرنٹ گرِل اور نئے Peugeot لوگو کے ساتھ مزید دلکش لگتا ہے۔ نئی شارک فِن اینٹینا اور گرے سیٹن فنشنگ والے دروازوں کے ٹرِمز اسے ایک پرکشش اور پریمیم ٹچ دیتے ہیں۔
گاڑی کے پچھلے حصے میں، Peugeot کے مخصوص انداز کی نئی LED ٹیل لائٹس لگائی گئی ہیں اور میٹ گرے رنگ کا “PEUGEOT” کا بیج اس کی موجودگی کو نمایاں کرتا ہے۔ پیچھے کے بمپر میں ڈوئل مستطیل شکل کے کروم ایگزاسٹ ٹپس بھی شامل کیے گئے ہیں جو گاڑی کی خوبصورت بناوٹ میں مزید اضافہ کرتے ہیں۔ اس کے علاوہ، اس میں 17 انچ کے “کَرَاکوائے” ڈائمنڈ کٹ الائے رِمز لگے ہیں جن پر برِجسٹون کے ٹائر نصب ہیں۔ ملٹی اسپوک ڈیزائن والے یہ رم اس گاڑی کو خوبصورتی اور اسپورٹی لُک کا بہترین امتزاج دیتے ہیں۔
اندرونی حصہ
اس نئی کمپیکٹ ایس یو وی کے اندرونی حصے میں بھی کئی اہم تبدیلیاں کی گئی ہیں۔ سب سے نمایاں تبدیلی نیا 10 انچ کا ہائی ڈیفینیشن انفوٹینمنٹ سسٹم ہے، جس کے گرافکس اور انٹرفیس کو مزید بہتر بنایا گیا ہے تاکہ ڈرائیور اور مسافروں کے لیے ڈیجیٹل تجربہ آسان اور پرلطف ہو۔ اس کے علاوہ، نئی بلیک روف لائننگ کی بدولت گاڑی کا اندرونی حصہ زیادہ پریمیم اور جدید محسوس ہوتا ہے۔
آپ کا اس گاڑی کے بارے میں کیا خیال ہے؟ ہمیں کمنٹس میں ضرور بتائیے گا۔
