پیجو 2008 ایک فرنچ بی سیگمنٹ کراس اوور ایس یو وی ہے جو حال ہی میں پاکستان میں لانچ کی گئی ہے۔ لکی موٹرز نے گاڑی کا اعلان کرتے ہوئے اس کے دو ویرینٹس کی بکنگ کھول دی۔ اگر آپ کو یاد ہو تو لکی موٹرز نے چند ماہ قبل ایک اور بی سیگمنٹ کراس اوور کِیا سٹونک لانچ کی تھی۔

ہم پہلے ہی پیجو 2008 اور کِیا سٹونک کا موازنہ کر چکے ہیں لیکن یہ دونوں گاڑیوں کے باضابطہ لانچ سے پہلے کی بات تھی جب ہمیں پاکستان میں لانچ کی جانے والے ویرینٹس کے فیچرز، خصوصیات اور قیمتوں کا کچھ خاص علم نہیں تھا۔ اب جبکہ ہم سب کچھ جان چکے ہیں آئیے لکی موٹرز کی جانب سے لانچ کی گئی نئی بی سیگمنٹ کراس اوور کا موازنہ کِیا سٹونک کے ساتھ کریں۔

پیجو 2008 اور کِیا سٹونک کے دو دو ویرینٹس پاکستان میں لانچ کیے گئے ہیں۔ ہم دونوں کراس اوور کے ٹاپ ویرینٹس کا موازنہ کریں گے، یعنی پیجو 2008  Allureاور کِیا سٹونک ایکس پلس۔

سائز

سائز کی بات کی جائے تو سٹونک کی لمبائی 4140 ملی میٹر، چوڑائی 1760 ملی میٹر اور اونچائی 1500 ملی میٹر ہے جبکہ پیجو 2008  کی لمبائی 4300  ملی میٹر، چوڑائی 1770 ملی میٹر اور اونچائی 1550 ملی میٹر ہے۔

یعنی پیجو 2008 سائز میں قدرے بڑی کار ہے اور اس میں سٹونک سے زیادہ بیٹھنے کی جگہ ہے۔

پاور

سٹونک ایکس پلس میں 1400 سی سی ٹربوچارجڈ انجن دیا گیا ہو جو 99 ہارس پاور اور 133Nm ٹارک پیدا کرنے کی صلاحیت رکھتا ہے۔ دوسری جانب Allure پلس میں 1200 سی سی ٹربو انجن دیا گیا ہو جو 130 ہارس پاور اور 230Nm ٹارک پیدا کرتا ہے۔ دونوں کراس اوورز میں 6 سپیڈ ٹرانسمشن دی گئی ہے۔

پاور کے موازنے سے واضح ہو چکا ہے کہ پیجو 2008 کِیا سٹونک سے زیادہ پاورفُل ہے۔

ایکسٹیر

Allure میں خوبصورت کروم گرِل کے ساتھ 3-claw  LEDہیڈلائٹس اور DRLs دی گئی ہیں جبکہ سٹونک ایکس پلس میں ٹائگر نوز گرِل کے ساتھ LED ہیڈلائٹس اور DRLs نظر آتی ہیں۔ Allure میں 17 انچ کے الائے ویلز جبکہ سٹونک میں 16 انچ کے الائے رمز دئیے گئے ہیں۔ دونوں گاڑیوں میں الیکٹرکلی ایڈجسٹ ایبل ریوو مررز دئیے گئے ہیں۔

انٹیرئیر

سٹونک ایکس پلس میں ایپل کار پلے، ایںڈرائیڈ آٹو اور وائس ریکگنیشن بلوٹوتھ کنیکٹیویٹی کے ساتھ 8 انچ کی فلوٹنگ انفوٹینمنٹ سسٹم ہے۔ اس کے علاوہ آپ بیک وقت دو ڈیوائسز کو پئیر کر سکتے ہیں۔ 2008 Allure میں انفوٹینمنٹ سسٹم 7 انچ کا ہے جبکہ بلوٹوتھ اور اسمارٹ فون کنیکٹیویٹی جیسے فیچرز بھی موجود ہیں۔

دونوں کراس اوورز میں آٹومیٹک کلائمیٹ کنٹرول سسٹم، پُش اسٹارٹ اور سمارٹ کی انٹری ہے۔ Allure میں سیٹیں سرمئی سلائی کے ساتھ پریمیم TEP  سے بنائی گئی ہیں۔ سٹونک ایکس پلس میں سیٹیں پیلے رنگ کے ساتھ فیبرکاور مصنوعی چمڑے کے مواد سے بنائی گئی ہیں۔ دونوں گاڑیوں میں 6 وے مینوئلی ایڈجسٹ ایبل ڈرائیور سیٹس موجود ہیں۔

اس کے علاوہ پیجوو 2008 ایلور میں کچھ اضافی فیچر نظر آتے ہیں۔ جن میں پینورامک سن روف، آئس بلیو ایمبئینٹ لائٹنگ اور وائرلیس ٹرنک اوپنر جیسے فیچرز شامل ہیں۔

سیفٹی

دونوں گاڑیوں میں 6 ایئر بیگز، الیکٹرانک سٹیبلٹی پروگرام، EBD کے ساتھ ABS، ہل سٹارٹ اسسٹ، الیکٹرک پارکنگ بریک، کروز کنٹرول اور رئیر پارکنگ سینسرز موجود ہیں۔

فرانسیسی کراس اوور کِیا سٹونک سے زیادہ محفوظ ہے کیونکہ اس میں ہائی بیم اسسٹ (HBA)، لین کیپ اسسٹ (LKA)، ڈرائیور اٹینشن اسسٹ، ایکٹیو بلائنڈ اسپاٹ ڈیٹیکشن اور فرنٹ پارکنگ سینسر موجود ہیں۔

 قیمت

دو بی سیگمنٹ کراس اوورز کے درمیان قیمت کا فرق بہت زیادہ ہے۔ نئی لانچ کی گئی پیجو 2008 ایلورکی قیمت 5850000 روپے ہے جبکہ کِیا سٹوک ایکس پلس کی قیمت 3980000 روپے ہے۔

پیجو 2008 ایلور کِیا سٹونک کے مقابلے میں ایک پریمیم کراس اوور ہے۔ لکی موٹرز نے ایس یو وی کے دلدادہ افراد کیلئے یہ یورپی کار لانچ کی ہے۔ دوسری طرف سٹونک ہر اس شخص کے لیے ہے جو کرولا اور سوک کی قیمت میں کراس اوور خریدنا چاہتا ہے۔

دونوں گاڑیوں میں سے کون سے گاڑی بہتر ہے؟ نیچے دئیے گئے کمنٹ سیکشن میں اپنی رائے کا اظہار کریں۔