روایتی ایندھن پیٹرول کی کھپت کو تبدیل کرنے کی کوشش میں، پورشے نے اپنے شراکت داروں کے ساتھ، پانی، ہائیڈروجن اور کاربن ڈائی آکسائیڈ کے مجموعے ای فیول کی پیداوار شروع کر دی ہے۔
جرمن کار ساز کمپنی نے کہا ہے کہ چِلی میں ان کے پائلٹ پلانٹ نے مصنوعی ایندھن کی کمرشل پیداوار شروع کر دی ہے۔ کمپنی نے رواں دہائی کے وسط تک اس متبادل ایندھن کے لاکھوں گیلن پیدا کرنے کا منصوبہ بنایا۔
ابتدائی طور پر پورشے کا موٹر سپورٹس میں ای فیول استعمال کرنے کا منصوبہ ہے۔ اس کے بعد اسے صارفین میں تقسیم کرنے کے لیے تیل کمپنیوں کو فروخت کیا جائے گا۔ کمپنی کے حکام نے صحافیوں کو بتایا ہے کہ کمپنی 128,000 لیٹر ایندھن کو “ابتدائی ٹیسٹ بیچ” کے طور پر اور پروموشن کے مقاصد کے لیے بھی فروخت کرے گی۔
یہ دعویٰ کیا گیا ہے کہ کمپنی کا نیا پلانٹ آنے والے 7-8 سالوں میں 145 ملین گیلن ای-فیول پیدا کرے گا، جبکہ پنٹا ایرینس پلانٹ 2025 کے آخر تک 54 ملین لیٹر پیدا کرے گا۔ اگر یہ تجربہ کامیاب رہتا ہے تو بائیو فیول کی پیداوار میں کئی گنا اضافہ کیا جائے گا۔
شیورون (Chevron) کا بی انرجی کے ساتھ معاہدہ
بین الاقوامی برانڈ شیورون، جو شیورون پاکستان لبریکنٹس پاکستان (پرائیویٹ) لمیٹڈ کے طور پر کام کرتا ہے، نے کیلٹیکس برانڈ کو بحال کرنے کے لیے بی انرجی لمیٹڈ کیساتھ ایک طویل مدتی ٹریڈ مارک لائسنسنگ معاہدے پر دستخط کیے ہیں۔ برانڈ پہلے مارکیٹ سے باہر نکلنے والا تھا لیکن اس نے دوسری صورت کا انتخاب کیا۔ یہ نیا معاہدہ شیورون کے پاکستان میں رہنے اور بڑھنے کے عزم کو ظاہر کرتا ہے۔
اس لائسنسنگ معاہدے کا مقصد BE کو پاکستان میں کیلٹیکس برانڈ کے قومی فروخت کنندہ، مارکیٹر اور تقسیم کار کے طور پر مقرر کرنا ہے۔ شیورون کا حتمی ہدف پورے پاکستان میں اگلے 8 سالوں میں کالٹیکس برانڈ کے اپنے سروس اسٹیشن نیٹ ورک کو 400 سے زیادہ ریٹیل اسٹیشنوں تک بڑھانا ہے۔
یہ معاہدہ نہ صرف شیوران کے عزم کو ظاہر کرتا ہے بلکہ اس حقیقت کی طرف بھی اشارہ کرتا ہے کہ پاکستان کی معیشت اب بھی اتنی مستحکم ہے کہ بین الاقوامی برانڈز یہاں سرمایہ کاری کر سکتے ہیں۔
