پاکستان سوزوکی موٹر کمپنی نے پاکستان کی سب سے مشہور ہیچ بیک 2019-21 آلٹو دوبارہ واپس منگوا لیں ہیں۔ خیال رہے کہ کمپنی رواں سال تیسری بار ایسا کر رہی ہے۔ جس کی وجہ فیول فلِر نیک میں آنے والی خرابی ہے۔ اس سے قبل کمپنی نے رواں سال ستمبر میں بھی گاڑیاں منگوائیں تھیں۔
سوشل میڈیا پر پوسٹ کی گئی کمپنی کے نوٹیفکیشن کے مطابق، سوزوکی نے سال 2019، 2020 اور 2022 میں تیار کردہ آلٹو یونٹس کے لیے سروس مہم شروع کرنے کا فیصلہ کیا ہے۔ کمپنی کی پوسٹ میں مزید بتایا گیا، “قریب ترین ڈیلرشپ پر جائیں اور فیول فِلر نیک مفت میں تبدیل کروائیں۔”
Get your Fuel Filler Neck replaced for Suzuki Alto manufactured in 2019, 2020 and 2021. Head to your nearest Suzuki Dealership and get the assistance from our specialists!#Suzuki #SuzukiPakistan pic.twitter.com/vi3Fusnfoc
— Suzuki Pakistan (@SuzukiPakistan) November 17, 2022
کمپنی نے کہا کہ “یہ شبہ ہے کہ ان گاڑیوں کے نیک فیول فلٹر کو وقت گزرنے کے ساتھ ساتھ زنگ لگ سکتا ہے اور بدترین حالت میں یہ سوراخ بھی ہو سکتا ہے۔ لہذا، پاک سوزوکی کو خدشہ ہے کہ خراب پرزہ ایندھن کے لیکیج کا سبب بن سکتا ہے جس سے آگے چل کر کوئی بھی حادثہ پیش آںے کے خطرات لاحق ہو سکتے ہیں»۔
خیال رہے کہ پہلے سروس مہم کراچی میں شروع کی گئی تھی لیکن اب پاک سوزوکی نے اسے پورے ملک میں پھیلا دیا ہے۔
سوزوکی گاڑیوں کی بکنگز کھول دی گئیں
سٹیٹ بینک آف پاکستان کی جانب سے درآمدی پابندیوں کے باعث اور موجودہ معاشی بدحالی کے پیش نظر گزشتہ چند ماہ مقامی آٹوموبائل انڈسٹری کے لیے انتہائی اہم رہے ہیں۔ درآمدی پابندیوں نے کار سازوں کو نہ صرف اپنی پروڈکشن کم کرنے پر مجبور کیا بلکہ بکنگ کی معطلیوں کے اعلانات بھی کیے گئے ہیں۔ جس کے نتیجے میں سیل کم ہوئی اور منافعے کی شرح بھی کافی متاثر ہوئی ہے۔
پاکستان سوزوکی موٹر کمپنی (PSMC) ان کار کمپنیوں میں شامل تھی جنہیں انہی حالات کا سامنا ہے۔ تاہم، چیزوں کو بہتر کرنے کی کوشش میں، کمپنی نے تمام کاروں کی بکنگ دوبارہ شروع کر دی ہے۔ اس سے قبل بھی پاک سوزوکی نے ایسا ہی اعلان کیا تھا، لیکن وہ صرف کارپوریٹ صارفین کے لیے یونٹس اور ماڈلز کی محدود تعداد تک محدود تھا۔
لہذا، حالیہ نوٹیفکیشن کے مطابق تمام صارفین کے لیے بکنگ دوبارہ شروع کر دی گئی ہے۔ ہر ماڈل کو ایک مخصوص کوٹہ کی شرائط کے تحت فروخت کیا جائے گا، اور تمام ماڈلز کے لیے ڈیلیوری کا وقت 2 ماہ ہوگا۔ اس فیصلے سے کمپنی کو آنے والے مہینوں میں فروخت میں ایک بہتری دیکھنے کو مل سکتی ہے۔
