سازگار مقافی سطح پر تیار کی گئی ایس یو وی ہیوال H6 لانچ کرنے کیلئے تیار ہے۔ اس موقع پر کمپنی گاڑی کے دو ویرینٹس لانچ کرے گی جن میں ہیوال H6 1.5T اور 2.0T شامل ہیں۔
کمپنی کے ایک سینئر افسر نے انکشاف کیا ہے کہ کمپنی ایک شفٹ میں روزانہ 40 یونٹس جبکہ سالانہ 15000 گاڑیاں بنانے کی صلاحیت رکھتی ہے۔ انہوں نے دعویٰ کیا کہ یہ گاڑی مقامی مارکیٹ میں کِیا سپورٹیج، ہیونڈائی ٹوسان، اوشان X7، ایم جی ایچ ایس اور چیری ٹیگو 8 سے مقابلہ کرنے کی صلاحیت رکھتی ہے۔
کمپنی آفیشل نے مزید بتایا کہ ہم نے اپریل میں بکنگ شروع کی تھی اور نومبر میں ڈیلیوری کا وقت دیا تھا۔ لیکن ہم تمام مسائل کے باوجود اگست کے آخر میں گاڑیاں ڈیلیور کر رہے ہیں۔ یعنی ہم شیڈول شدہ وقت سے تین ماہ آگے ہیں اور ہم اسی طرح رہنے کا ارادہ رکھتے ہیں”۔
انھوں نے بتایا کہ “ابھی، ہم دو مختلف ویرینٹس کے ساتھ آغاز کر رہے ہیں، لیکن بعدازاں ایک نیا ویرینٹ جولین کو اگلے چند ماہ میں لانچ کیا جا سکتا ہے۔”
کمپنی کی جانب سے جاری کردہ ایک نوٹس میں دعویٰ کیا گیا ہے کہ اس کا آپریشن ٹرائل مقررہ وقت سے پہلے مکمل ہو گیا ہے اور اس مہینے میں مقامی سطح پر تیار کردہ ہیوال H6 لانچ کی جا سکتی ہے۔
پچھلے سال، سازگار انجینئرنگ کو حکومت کی جانب سے مقامی سطح پر ایس یو ویز کو تیار کرنے اسمبل کرنے کیلئے گرین فیلڈ کا درجہ ملا ہے۔ یہ بات قابل ذکر ہے کہ کمپنی پاکستان میں رکشہ بھی تیار کرتی ہے اور ملک میں سب سے بڑا رکشہ بنانے والا ادارہ ہے۔
کمپنی نے پاکستان میں بی جے 40 پلس، ڈی 20 وہیکلز اور X25 کراس اوورز بھی متعارف کروائیں، جنہیں چینی کار ساز کمپنی BAIC نے بنایا ہے۔
قیمت
ایک حالیہ نوٹیفکیشن میں کمپنی نے کار کے دو ویریئنٹس کی قیمتوں کا اعلان کیا ہے۔ ہیوال 1.5T FWD H6کی لاگت 7599000 روپے ہوگی جبکہ 2.0T H6 کی قیمت 8499000روپے ہوگی۔
خصوصی پیشکش
خیال رہے کہ نیچے دی گئی قیمت کی پیشکش صرف ان صارفین کے لیے دستیاب ہے جو 31 جولائی 2022 سے پہلے جزوی ادائیگیاں کر چکے ہیں اور 26 اگست 2022 تک مذکورہ بالا قیمتوں کے مطابق مکمل ادائیگی کریں گے۔
- H6 1.5T PKR 7,099,000
- H6 2.0T PKR 8,149,000
سازگار کی لانچ ہونے والی ایس یو ویز کے بارے میں آپ کا کیا خیال ہے؟ کمنٹس سیکشن میں اپنی رائے کا اظہار کریں۔
