موٹرویز پر حادثات کی بڑھتی ہوئی تعداد کو کم کرنے کیلئے نیشنل ہائی ویز اینڈ موٹروے پولیس (NHMP) نے رفتار کی حد کو 100 کلومیٹر فی گھنٹہ تک کم کر دیا ہے۔ سرکاری ذرائع نے کہا ہے کہ یہ فیصلہ موٹر ویز پر ہونے والے حادثات کی تحقیق اور تجزیہ کے بعد کی جاہے۔
اطلاع عام! pic.twitter.com/DsvjIPdHrE
— National Highways & Motorway Police (NHMP) (@NHMPofficial) November 6, 2022
نوٹیفکیشن کے مطابق ٹھوکر نیاز بیگ اور راوی ٹول پلازہ کے درمیان لائٹ اور ہیوی ٹرانسپورٹ وہیکلز کی رفتار کی حد کو بالترتیب 120 سے 100 کلومیٹر فی گھنٹہ اور 100 سے 80 کلومیٹر فی گھنٹہ کر دیا گیا ہے۔
مزید برآں، اسی طرح کی رفتار کی حدیں M4 پر پنڈی بھٹیاں سے ملتان موٹروے، لاہور سیالکوٹ موٹروے (M-11) اور HTV اور LTV کے لیے ہکلہ ڈیرہ اسماعیل خان موٹروے (M14) پر بھی لاگو ہوں گی۔
حکومت نے موٹرویز پر ٹول ٹیکس دوگنا کردیا
پاکستان اس وقت توانائی کے شدید بحران کا شکار ہے۔ کابینہ کے حالیہ اجلاس میں وزیر اعظم شہباز شریف نے توانائی کے تحفظ کا منصوبہ تجویز کرنے کے لیے ایک کمیٹی تشکیل دی ہے۔ کمیٹی نے آٹو سیکٹر سے متعلق متعدد تجاویز پیش کیں جو کہ ذیل میں درج ہیں۔
کمیٹی میں وفاقی وزیر خزانہ مفتاح اسماعیل، وزیر توانائی خرم دستگیر، وزیر پیٹرولیم شاہد خاقان عباسی اور وزیر اطلاعات و نشریات مریم اورنگزیب شامل تھے۔
- سرکاری ملازمین کے لیے پیٹرول اور ڈیزل کا کوٹہ 33 فیصد کم کیا جائے۔
- اتوار کے دن کو کو بڑے شہروں میں وہیکل فری ڈے قرار دیا جائے۔
- موٹرویز اور ہائی ویز پر رفتار کی حد کم کی جائے۔
- سنگل ڈرائیور کاروں پر موٹر ویز پر ٹول ٹیکس دگنا کیا جائے۔
- سڑکوں پر گاڑیوں کو متبادل دنوں میں جفت اور طاق نمبر پلیٹوں کی بنیاد پر چلانے کی اجازت دی جائے۔
- گاڑیوں سال میں دو دفعہ ٹیوننگ اور انسپیکشن کو لازمی قرار دیا جائے۔
وزیر اعظم نے فیصلہ کیا ہے کہ کوئی بھی اقدام کرنے سے پہلے ان تجاویز پر صوبوں کے وزرائے اعلیٰ سے بات کی جائے گی۔
