مہنگی ترین کاواساکی GTO 110 کا اونر ریوئیو

آج ہم یہاں کاواساکی GTO 110 کا ایک دلچسپ بائیک ریوئیو لائے ہیں۔ 2 سٹروک انجن والی یہ بائک 90 کی دہائی کی خوبصورت بائک ہے۔ یہاں بائک کے اونر برہان اپنی تیار شدہ GTO 110  دکھا رہے ہیں۔

کاواساکی جی ٹی او 110 ماڈل

یہ کاواساکی GTO 110 کا ماڈل ہے جو کہ 92 رجسٹر کروائی گئی تھی۔ بعد ازاں 2008 میں اس موٹر سائیکل کو ری سٹور کیا گیا۔ 2016 میں برہان کے دوست نے یہ بائک خریدی اور اسے استعمال کیا لیکن اب برہان اس بائک کے مالک ہیں۔

پارٹس کی دستیابی اور دیکھ بھال

موٹر سائیکل کے پرزوں کی دستیابی کے بارے میں پوچھے جانے پر برہان نے بڑے اعتماد سے بتایا کہ پرزے بہت آسانی سے مل جاتے ہیں لیکن مسئلہ یہ ہے کہ اس بائک کے پرزے نسبتاً بہت زیادہ مہنگے ہوتے ہیں۔

برہان نے دعویٰ کیا کہ اس بائک کے پرزے ان کی کار ہنڈا ایکارڈ سے بھی زیادہ مہنگے ہیں۔ انھوں نے بتایا کہ جب انھوں نے اپنی کار کے لیے ہیڈ اسمبلی خریدی تھی تو اس کی قیمت تقریباً 1 لاکھ 5 ہزار روپے تھی اور ساتھ ہی انھوں نے اس موٹر سائیکل کے لیے استعمال شدہ انجن خریدا اور جس کی قیمت 1 لاکھ 20 ہزار روپے تھی۔

جب ان سے موٹر سائیکل کی دیکھ بھال کے بارے میں پوچھا گیا تو انہوں نے دعویٰ کیا کہ 2 سٹروک موٹر سائیکل کو برقرار رکھنا مشکل ہے لیکن زیادہ مہنگا یا مشکل نہیں ہے۔ وہ باقاعدہ دیکھ بھال کے ساتھ ساتھ وقت سے پہلے بائک کی ٹیوننگ کرواتے ہیں۔

بائک میں کی گئی تبدیلی

برہان نے اس بائیک کو کاواساکی جی ٹی او 125 میں تبدیل کر دیا ہے اور اس کی وجہ یہ ہے کہ موٹر سائیکل کا انجن، کرینک اور میگنیٹ کوائل سب کاواساکی جی ٹی او 125 کے ہیں۔ مونوگرام اور اسٹیکرز اب بھی اصلی ہیں۔ کاواساکی جی ٹی او 110 کے فیول ٹینک کو پینٹ کر دیا گیا ہے۔

فیول ایوریج

اونر کے مطابق اگر بائک کی مناسب طریقے سے دیکھ بھال کی جائے تو اس موٹر سائیکل کے لیے 35-40 کلومیٹر فی لیٹر سے زیادہ کی ایوریج دینا ممکن نہیں ہے۔

کاواساکی جی ٹی او 110 کی قیمت

برہان کے مطابق یہ موٹر سائیکل مارکیٹ میں 35000 سے  1.5لاکھ روپے کی رینج میں دستیاب ہے۔

ہمارے چینل پر مکمل ویڈیو یہاں دیکھیں!