انڈس موٹر کمپنی لمیٹڈ (ٹویوٹا) نے سوشل میڈیا پر گردش کرنے والے نوٹیفکیشن کی سختی سے تردید جاری کی ہے۔ چند روز قبل 4 دسمبر 2023 کو سامنے آنے والے جعلی نوٹفکیشن میں دعویٰ کیا گیا کہ وہ ٹویوٹا کا ہے جس میں ٹویوٹا کی مقامی سطح پر تیار کی جانے والی ہائبڑڈ کرولا کراس کے متوقع فیچرز اور قیمت کا اعلان کیا گیا تھا۔
کمپنی نے اس سرکلر کو فوری طور پر رد کرنے میں کوئی وقت ضائع نہیں کیا۔ ٹویوٹا نے اس بات پر زور دیتے ہوئے کہ کمپنی کی طرف سے کرولا کراس کے لانچ یا قیمت کے بارے میں کوئی باضابطہ اطلاع جاری نہیں کی گئی ہے، کہا کہ سرکلر جعلی ہے۔
ایک واضح اور جامع بیان کمپنی نے کہا ہے کہ انڈس موٹر کمپنی نے اس بات پر زور دیتی ہے کہ تمام آفیشل نوٹیفکیشنز کو کمپنی کے آفیشل چینلز کے ذریعے خصوصی طور پر جاری کیا جاتا ہے۔ یعنی کہ کمپنی کے ذرائع سے حاصل نہ ہونے والی کوئی بھی معلومات کو غیر مجاز اور ممکنہ طور پر گمراہ کن سمجھا جانا چاہیے۔
ٹویوٹا پاکستان انڈس موٹر کمپنی (IMC) کی جانب سے ہائبرڈ گاڑیوں میں 100 ملین ڈالر کی سرمایہ کاری کی پہلی پراڈکٹ مقامی طور پر اسمبل شدہ کرولا کراس ہے جو کہ متوقع طور پر آئندہ چند دنوں میں لانچ کر دی جائے گی۔
کرولا کراس کی لانچ کا بے صبری سے انتظار کرنے والے ٹویوٹا کے شوقین افراد کے لیے انتظار کا سلسلہ جاری ہے جبکہ کمپنی کی تردید جعلی سرکلر سے پیدا ہونے والی کسی بھی قیاس آرائی کو روکنے کیلئے کافی ہے۔ لہذا، ابھی تک، کرولا کراس کی قیمتوں کی تفصیلات غیر مصدقہ ہیں۔
کیا آپ بھی کرولا کراس کے اس لانچ کے بارے میں پرجوش ہیں یا نہیں؟ کمنٹس سیکشن میں ہمیں بتائیں۔
