ٹویوٹا سپرا MK4اور متسوبسی Evolution ایک دوسرے کے حریف گاڑیاں نہیں ہیں اور صرف گاڑیوں کے شوقین افراد ہی اس بارے میں سمجھ سکتے ہیں۔ ہم فیصل آباد میں موجود ان دونوں گاڑیوں کا اونر ریوئیو لے کر آئے ہیں۔
ٹویوٹا سپرا MK4
ٹویوٹا سپرا ڈاکٹر شہروز کی ملکیت تھی، جو کہ کبھی کبھار ریس لگاتے ہیں۔ پہلے اس گاڑی کا رنگ میٹالک سِلورع تھا اور اس کی سپورٹی لُک کو بڑھانے کے لیے اسے چمکدار میٹالک پینٹ میں دوبارہ رنگ کیا گیا تھا۔ یہ 1993 کی ٹویوٹا سپرا نان ٹربو ویریئنٹ تھا جسے خریداری کے بعد ٹوئن ٹربو میں تبدیل کر دیا گیا۔ ایک پروجیکٹ کار ہونے کے ناطے، اس میں کئی تبدیلیاں کی گئیں جیسا کہ فرنٹ لِپ کو پیانو سیاہ رنگ میں پینٹ کرنا، مکی تھامسن کے پہیے لگانا (جس کی لاگت تقریباً 1 ملین ہے) اور Pixi سے کیٹ بیک ایگزاسٹ کو اپ گریڈ کرنا شامل ہیں۔
گاڑی میں ایک اپ گریڈ شدہ آفٹر مارکیٹ ECU نصب کیا گیا ہے جس کے بعد سپرا MK4 کو ہر 5000 کلومیٹر پر آئل اور فلٹر کی تبدیلی کی ضرورت ہوتی ہے، جس کی لاگت تقریباً 30000 روپے تھی۔
متسوبشی Evolution
اگلی گاڑی جس کا ہم ریوئیو لے کر آئے ہیں وہ 2003 مٹسوبشی ایوولوشن EVO7 ہے جسے 2020 میں مینوئل ٹرانسمیشن کے ساتھ خریدا گیا۔ یہ ایک مکمل پروجیکٹ کار تھی جس میں سر سے پاؤں تک تبدیلی کی گئی تھی، جس میں ایک بلٹ ہیڈ، سپرنگ، ریٹینر، والوز، پسٹن، آفٹر مارکیٹ ای سی یو، کوائل اوور، سسپنشن، بریمبو بریک اور کلچ شامل ہیں۔
بکٹ سٹائل والی سیٹوں، ٹمپریچر کے لیے گیجز، ایندھن کے دباؤ اور ٹربو بوسٹ کی تنصیب کے ساتھ انٹیرئیر کو سپورٹی شکل دی گئی تھی۔ ان تمام اپ گریڈز سے گزرنے کے بعد یہ گاڑی شہر کے اندر 7 کلو میٹر اور طویل راستوں پر 12 کلومیٹر کی فیول ایوریج فراہم کرتی ہے۔
