ٹویوٹا نے عارضی طور پر اپنی پروڈکشن بند کر دی

حکومت کی جانب سے گاڑیوں کی امپورٹ پر سے پابندیاں اٹھانے کے بعد بھی آٹومیکرز کے لیے مسائل موجود ہیں۔ ٹویوٹا انڈس موٹر کمپنی کی جانب سے جاری ایک نوٹیفیکیشن میں کہا گیا ہے کہ کمپنی آںے والے چند دنوں میں اپنی پروڈکشن معطل رکھے گی۔

کمپنی نے پروڈکشن کیوں روکی؟

حالیہ نوٹیفکیشن میں کہا گیا ہے کہ کمپنی سٹیٹ بینک آف پاکستان (SBP) سے سی کے ڈی کِٹس درآمد کرنے کی منظوری کے حوالے سے ایک نئے طریقہ کار کے پیش نظر 1 سے 14 ستمبر تک اپنی کاروں کی پیداوار اور متعلقہ اسمبلی کو روک دے گی۔

کمپنی کی جانب سے جاری نوٹیفکیشن کے مطابق CKD کٹس کی درآمد کے نئے طریقہ کار کی وجہ سے کچھ رکاوٹوں کے سامنا ہے، جس کے نتیجے میں انوینٹری کے مسائل پیدا ہو رہے ہیں۔

نوٹیفکیشن میں مزید بتایا گیا ہے کہ:

“پیداوار کو برقرار رکھنے کے لیے انوینٹری کے ناکافی ہونے کی وجہ سے کمپنی نے اپنی پیداواری سرگرمیوں کو عارضی طور پر روکنے کا فیصلہ کیا ہے۔ مندرجہ بالا مسائل کی وجہ سے کمپنی نے یکم ستمبر 2022 سے 16 ستمبر 2022 تک اپنی پیداوار کو عارضی طور پر بند کرنے کا فیصلہ کیا ہے۔ تاہم، منظوری طلب کیے جانے کی وجہ سے پروڈکشن پلان میں کسی قسم کی تبدیلی کی صورت میں، اسی کے مطابق اس سے آگاہ کیا جائے گا۔

جہاں نیا کیپیٹل ویلیو ٹیکس (سی وی ٹی)، آٹو فنانس کی پابندیاں، فائلرز اور نان فائلرز پر ودہولڈنگ ٹیکس اور قیمتوں میں اضافہ، سود کی بڑھتئ شرح اور سٹیٹ بینک آف پاکستان کی جانب سے گاڑیوں کی فروخت میں کمی اور سٹیٹ بینک کی جانب سے نئے طریقہ کار نے صورتحال کو مزید خراب کر دیا ہے۔

واضح رہے کہ یہ پہلا موقع نہیں ہے جب کسی کار کمپنی نے پیداوار معطل کرنے کا اعلان کیا ہو۔ اس سے قبل تقریباً تمام کار ساز کمپنیاں ایسا کر چکی ہیں۔

اس سے قبل کار کمپنیوں نے لیٹر آف کریڈٹ (LCs) جاری نہ کرنے کی وجہ سے بکنگ معطل کرتے ہوئے پیداوار بند کی۔ سٹیٹ بینک آف پاکستان نے سی کے ڈی کٹس کے لیے ایل سی جاری کرنے میں ہچکچاہٹ کا مظاہرہ کیا جس کے نتیجے میں کاروں کی مقامی طور پر تیاری معطل رہی۔

مقامی کار انڈسٹری کی جاری صورتحال کے بارے میں آپ کا کیا خیال ہے؟ کیا پروڈکشن معطلی جیسے مسائل جلد رک جائیں گے؟ کمنٹس سیکشن میں اپنے خیالات کا اظہار کریں۔