عوام کے تحفظ کو یقینی بنانے کے لیے اسلام پولیس اینٹی-کارلفٹنگ سیل نے ایک مربوط کارروائی میں گاڑیاں چوری کرنے والے دو افراد کو گرفتار کرلیا ہے اور ان سے دو گاڑیاں بھی برآمد کرلی ہیں۔
تفصیلات کے مطابق DIG آپریشنز وقار الدین سید نے پولیس عہدیدارں کو ہدایت کی تھی کہ شہر سے گاڑیاں چوری کرنے کے واقعات کا سدباب کریں جس کے بعد اس ضمن میں ٹیمیں تشکیل دی گئی جو عوام کو محفوظ رکھنے کے لیے پوری تندہی کے ساتھ کار چوروں کو گرفتار کر رہی ہے۔
ایک حالیہ کارروائی میں دو افراد تازہ گل اور نیک دل کو پولیس کی جانب سے گرفتار کیا گیا۔ اتھارٹی پہلے ہی مقدمہ درج کرچکی ہے اور مزید تفتیش جاری ہے۔ کامیاب مشن کو اعلیٰ پولیس عہدیداروں کی جانب سے خوب سراہا گیا ہے؛ وہ اس معاملے میں شامل پولیس افسران کی کارکردگی سے خوش ہیں۔
مزید برآں، یہ بات قابل ذکر ہے کہ اینٹی-کارلفٹنگ سیل اسلام آباد گزشتہ سال میں 115.6 ملین روپے مالیت کی 132 گاڑیاں اور 7.7 ملین روپے مالیت کی 136 موٹر سائیکلیں بھی برآمد کر چکا ہے۔ اس پورے عمل میں پولیس نے 200 سے زیادہ گاڑیاں چوری کرنے والوں کو بھی گرفتار کیا۔
مزید برآں، کراچی پولیس نے چار کار لفٹرز پر مشتمل ایک گروہ کو پڑا ہے جس میں ایک خاتون بھی شامل تھیں۔ یہ مجرم شہر بھر میں موٹر سائیکلیں اور گاڑیاں چوری کرنے میں ملوث تھے کہ جن کے پرزے نکال کر انہیں بیچ دیا جاتا تھا۔ مزید برآں، چند ماہ قبل گجرانوالہ پولیس نے شہر سے چار موٹر سائیکل چور بھی گرفتار کیے اور 25 موٹر سائیکلیں بھی برآمد کیں۔ ان گرفتار شدہ موٹر سائیکل چوروں کے نام عمران، ذوالفقار، رضوان اور ریاض تھے۔ اعلیٰ پولیس عہدیداروں نے اپنے ماتحتوں کی اس کارکردگی کو سراہا ہےکہ جنہوں نے عوام کے تحفظ کو یقینی بنانے کے لیے سخت اقدامات اٹھائے۔
ہماری طرف سے اتنا ہی، اپنے خیالات نیچے تبصروں میں ضرور پیش کیجیے۔
