ماسٹر موٹرز اور چنگن موٹرز 29 جون 2018ء کو یعنی کل دلکشا، پرل کانٹی نینٹل ہوٹل، کراچی میں منعقدہ ایک تقریب میں شراکت داری کے معاہدے پر باضابطہ طور پر دستخط کریں گے۔ PakWheels.com بھی تقریب میں موجود ہوگا اور اپنے قارئین کے لیے خبریں پیش کرے گا۔ اس لیے چنگن موٹرز کے حوالے سے تمام معلومات کے لیے آتے رہیے۔
چنگن موٹرز پاکستان میں باضابطہ طور پر آ رہا ہے اور ادارے کے جاری کردہ اعلان کے مطابق چنگن موٹرز ماسٹر موٹرز کے تعاون سے ملک میں گاڑیاں بنائے گا۔ مزید برآں گاڑیاں بنانے والا چینی ادارہ مقامی آٹو صنعت میں 100 ملین امریکی ڈالرز کی سرمایہ کاری کرے گا۔
وزارت صنعت و پیداوار پہلے ہی ماسٹر موٹرز کو کیٹیگری-اے گرین فیلڈ درجہ دے چکی ہے اور اب چنگن کے ساتھ تعاون پاکستان کی آٹو صنعت کو بلاشبہ تنوّع دے گا۔
چنگن آٹوموبائل اعلیٰ SUVs اور سیڈانز بنانے کے لیے چین میں معروف ہے۔ بتایا جاتا ہے کہ ماسٹر موٹرز ابتدا میں ملک میں CX70، ایک 7 نشستوں والی SUV اور ایک سیڈان جاری کرے گا۔ ادارہ پاکستانی صارفین کے لیے اپنی ویب سائٹ بھی جاری کرچکا ہے۔
PakWheels.com پہلی آٹوموٹو ویب سائٹ تھی کہ جس نے ماسٹر موٹرز کی جانب سے ملک میں چنگن گاڑیاں لانے کی خبر دی تھی اور اب اس کی تصدیق ہو چکی ہے۔
مزید خبروں کے لیے دیکھتے رہیے۔
