نیشنل ہائی ویز اینڈ موٹر ویز پولیس (NHMP) نے ایک نہ ختم ہونے والے معاملے پر تازہ پیشرفت یہ کی ہے کہ موٹر سائیکل سواروں کو موٹرویز پر داخل ہونے کی مشروط اجازت دے دی ہے۔
واضح رہے کہ دو اپیلیں سپریم کورٹ میں زیر التواء ہیں۔ اسلام آباد ہائی کورٹ مخصوص کیٹیگری کی موٹر سائیکلوں کو موٹرویز پر جانے کی اجازت دے چکی ہے۔ البتہ اس فیصلے کو سپریم کورٹ میں چیلنج کیا جا چکا ہے۔ کیونکہ معاملہ سپریم کورٹ کے سامنے ہے اس لیے NHMP نے اس دوران موٹر سائیکل سواروں کے لیے اپنے قواعد مرتب کردیے ہیں۔
NHMP موٹرویز پر موٹر سائیکل سواروں سے کیا چاہتی ہے اس کی نامکمل فہرست مندرجہ ذیل ہے، اس میں صرف اہم خصوصیات شامل ہیں:
جو موٹرویز پر موٹر سائیکل چلانا چاہتے ہیں انہیں بائیکر کارڈ کی صورت میں اجازت لینا ہوگی، جو صرف NHMP جاری کر سکتا ہے۔
اس کارڈ کے لیے NHMP کی جانب سے موٹر سائیکل کے لیے جاری کردہ لائسنس ضروری ہے۔
کارڈ کے حامل فرد کی عمر کم از کم 30 سال ہونی چاہیے۔
موٹر ویز پر موجود تمام موٹر سائیکلوں کے لیے مجاز نمبر پلیٹ ہونا ضروری ہے۔
زیادہ سے زیادہ رفتار کی حد 110 کلومیٹر فی گھنٹہ ہوگی۔
موٹر سائیکل سواروں کو سورج طلوع ہونے سے لے کر غروب ہونے تک داخلے کی اجازت ہوگی۔
ڈبل سواری منع ہوگی۔
موٹر سائیکل کم از کم 600cc کی ہونی چاہیے۔
ریسنگ کی اجازت نہیں ہوگی۔
موٹر سائیکل سوار کو ہمہ وقت حفاظتی سامان پہنے رکھنا ہوگا۔
اس حوالے سے لاہور بائیکرز گروپ کے ایک عہدیدار سے رابطہ کیا گیا تو انہوں نے پاک ویلز کو بتایا کہ مشروط اجازت تو دے دی گئی ہے لیکن NMP کو خود بھی اندازہ نہیں کہ ان قواعد کو کیسے لاگو کرنا ہے۔ پھر موٹر سائیکل سوار کی کم از کم عمر کے حوالے سے بھی دو رائے ہیں۔
آٹوموٹِو انڈسٹری کی ایسی ہی خبروں کے بارے میں جاننے کے لیے پاک ویلز کے ساتھ رہیے۔
