فیڈرل بورڈ آف ریونیو (FBR) نے آٹو پارٹس سمیت تقریباً 200 اشیاء پر لاگو 2 فیصد اضافی ڈیوٹی کا خاتمہ کردیا ہے، ایک مقامی میڈیا ادارے نے بتایا۔
تفصیلات کے مطابق اتھارٹی اس ضمن میں ایک نوٹیفکیشن بھی جاری کر چکی ہے۔ اس نوٹیفکیشن میں اس نے کہا ہے کہ فاضل پرزوں اور آٹو پارٹس بنانے میں استعمال ہونے والے خام مال پر ریگولیٹری ڈیوٹی اتھارٹی کی جانب سے کم کردی گئی ہے۔ واضح رہے کہ پالیسی میں یہ تبدیلی 31 مارچ 2019ء سے نافذ ہوگی۔
آٹو پارٹس پر کسٹمزڈیوٹی کے خاتمے کے علاوہ حکومت نے پیٹرولیم مصنوعات کی قیمتوں میں بھی 0.73 روپے فی لیٹر تک کی کمی کی ہے۔
مزید برآں، حکومت کی جانب سے پیٹرولیم مصنوعات پرلیوی بڑھا دی گئی ہے۔ وزارت خزانہ نے پیٹرول پر لیوی میں 4 روپے کا اضافہ کیا ہے جو اب فی لیٹر 14 روپے تک پہنچ گئی ہے، اس سے پہلے یہ 10 روپے تھی۔ اسی طرح ڈیزل پر ٹیکس 8 روپے سے بڑھا کر 22 روپے کر دیا گیا ہے۔ لیوی بڑھا کر حکومت فروری میں خزانے میں اضافی 32 ارب روپے حاصل کرے گی۔
مزید آٹوموٹو خبروں کے لیے PakWheels.com پر آتےرہیے۔
