حکومت کی جانب سے براؤن فیلڈ درجہ ملنے کے بعد گندھارا بہت زیادہ متحرک ہو گیا ہے۔ آئندہ دنوں میں ادارہ پاکستان میں ڈبل کیبن پک اپ JAC T6 پیش کرنے کی تیاریاں کر رہا ہے۔ باضابطہ ڈیلرز میں سے ایک نے اس خبر کی تصدیق بھی کی ہے۔
یہ JAC T6 لیس ہے 6-اسپیڈ مینوئل ٹرانس میشن کے حامل 2.0L ٹربو انجن سے جو 3600 rpm پر 134 hp اور 1600-2600 rpm پر 320 Nm ٹارک پیدا کرتا ہے۔ مزید برآں، گاڑی کی پیمائش 5315mm x 1830mm x 1815mm (لمبائی x چوڑائی x اونچائی) ہے اور اس کی ویل بیس 3090mm کی ہے۔
گاڑی کی وزن اٹھانے کی گنجائش 1041 کلوگرام ہے۔
جہاں تک سیفٹی کا تعلق ہے تو گاڑی میں ایئر بیگس، ABS اور الیکٹرانک بریک ڈسٹری بیوشن (EBD) وغیرہ نصب ہیں۔
بین الاقوامی سطح پر JAC T6 کئی خصوصیات کے ساتھ آتی ہے:
- ٹائر پریشر سینسر
- پاور ونڈوز
- بلوٹوتھ کنیکٹیوٹی
- ملٹی فنکشن اسٹیئرنگ ویل
- سینٹرل لاکنگ
- انفوٹینمنٹ سسٹم
- ایئر کنڈیشننگ
- USB پورٹ
- پارک کرنے کے دوران فاصلہ جاننے کے لیے کیمرا وغیرہ
البتہ یہ نہیں معلوم کہ یہی خصوصیات مقامی سطح پر فروخت کی جانے والی T6 میں بھی ہوں گی یا نہیں۔
یہ گاڑی، جب پاکستان میں جاری کی جائے گی تو امید ہے کہ اس کی قیمت 26 لاکھ کے قریب ہوگی۔
علاوہ ازیں، گندھارا نے اپنے چینی شراکت دار JAC موٹرز کے ساتھ JAC X200 کی مقامی سطح پر اسمبلنگ بھی شروع کردی ہے۔ مقامی طور پر اسمبل شدہ X200 کی تقریب رونمائی اپریل 2018ء میں گندھارا نسان ٹرک پلانٹ، پورٹ قاسم، کراچی میں ہوئی۔
ادارہ پاکستان میں ڈاٹسن کاریں پیش کرنے کے لیے بھی تیار ہے۔ گندھارا نے 28 مارچ 2018ء میں نسان موٹر کمپنی کے ساتھ ایک معاہدے پر دستخط کیے تھے جس کی روشنی میں نسان اور گندھارا کراچی میں گندھارا کے عالمی معیار کے مینوفیکچرنگ پلانٹ کی تعمیر کے لیے مل کر کام کریں گے۔
مزید خبروں کے لیے پاک ویلز ڈاٹ کام پر آتے رہیے۔
