ہونڈا اٹلس کارز (پاکستان) لمیٹڈ (HACPL) نے اپنی گاڑیوں کی قیمتوں میں 85,000 روپے تک کا اضافہ کردیا ہے جو یکم اپریل 2019ء سے لاگو ہوئی ہیں۔ سرکلر مندرجہ ذیل ہے:
ہونڈا اٹلس کی جانب سے اپنے 3S ڈیلرز کو جاری کیے گئے نوٹیفکیشن کے مطابق امریکی ڈالرز کے مقابلے میں پاکستانی روپے کی مزید گھٹتی ہوئی قدر کا نتیجہ گاڑیوں کی قیمتوں میں اضافے کی صورت میں نکلا ہے۔ یہ کہتا ہے کہ قبل ازیں ادارے نے روپے کی گھٹتی ہوئی قدر کا بوجھ اِس لیے صارفین پر منتقل نہیں کیا تھا کیونکہ وہ کرنسی کے مستحکم ہونے کی توقع کر رہا تھا۔ کرنسی کی قیمت میں مزید گراوٹ کی وجہ سے آٹو مینوفیکچرر کو مجبوراً اپنی گاڑیوں کی قیمتیں بڑھانی پڑی ہیں۔ ہونڈا نے اب تک سوِک کی ویریئنٹس کی قیمتیں نہیں بڑھائی کیونکہ ان کا اعلان بعد میں کیا جائے گا۔ البتہ نئے جاری کردہ سرکلر کے مطابق ہونڈا سٹی اور BR-V میں 65,000 سے 85,000 روپے کا اضافہ دیکھا جائے گا۔
| ویریئنٹس | نئی قیمتیں | پرانی قیمتیں | فرق |
| 1.3L MT | 1,919,000 | 1,854,000 | 65,000 |
| 1.3L AT | 2,059,000 | 1,994,000 | 65,000 |
| 1.5L MT | 1,979,000 | 1,914,000 | 65,000 |
| 1.5L AT | 2,119,000 | 2,054,000 | 65,000 |
| 1.5L ایسپائر MT | 2,134,000 | 2,064,000 | 70,000 |
| 1.5L ایسپائر AT | 2,274,000 | 2,204,000 | 70,000 |
| BR-V MT | 2,234,000 | 2,234,000 | کوئی تبدیلی نہیں |
| BR-V AT | 2,434,000 | 2,384,000 | 50,000 |
| BR-V CVT | 2,569,000 | 2,484,000 | 85,000 |
نئی بکنگ اور پرانے آرڈرز پر ادھوری یا مکمل ادائیگی پر نئی قیمتوں کے اطلاق کے بارے میں مزید شرائط بھی لاگو ہیں۔ اپریل 2019ء تک کے ہی پرانے آرڈر اور جن کی ادائیگی 30 مارچ 2019ء تک مکمل ہو چکی، پرانی قیمت پر فراہم کیے جائیں گے جبکہ وہ جن کی ادھوری ادائیگی ہے یا رسیدیں نئی اعلان کردہ قیمتوں کی ہیں ان پر نئی قیمتوں کا اطلاق ہوگا۔ مزید یہ کہ مارچ 2019ء کے اختتام تک ڈیلرشپس پر موجود مال نئی قیمت پر دیا جائے گا۔
ہونڈا اٹلس کی جانب سے جاری کردہ سرکلر کے مطابق تمام نئی بکنگز کم از کم 12 لاکھ روپے کی ادائیگی پر ہوں گی۔ واضح رہے کہ اس مہینے مقامی سطح پر بننے والی 1700cc اور اس سے زیادہ کے انجن کی گاڑیوں پر حکومت کی جانب سے 10 فیصد FED لگانے کی وجہ سے ہونڈا سوِک کی قیمتیں بڑھائی گئی تھیں۔
ہونڈا اٹلس کی جانب سے اس اضافے پر آپ کی کیا رائے ہے؟ ہمیں ضرور بتائیں اور تازہ ترین خبروں کے لیے پاک ویلز پر آتے رہیے۔
