مجبوری کی وجہ سے عوام کے پاس مقامی ساختہ گاڑیوں سے انتخاب کے زیادہ مواقع نہیں ہے۔ البتہ یہ سب تبدیل ہونے والا ہے کیونکہ بہت سے نئے گاڑیاں بنانے والے ادارے پاکستان میں آ چکے ہیں جن میں کوریائی اور فرانسیسی آٹومیکرز بھی شامل ہے۔ ملک میں بڑھتا ہوا درمیانہ طبقہ ہے جو دوبارہ فروخت کے قابل ہونے اور اپنے پیسوں کی درست قدر کی بنیاد پر گاڑی خریدنے کی کوشش کرتا ہے۔ 2017ء میں PakWheels.com نے ایک صنعتی سروے کیا تاکہ مخصوص برانڈز اور گاڑیوں کے حوالے سے عوام کی دلچسپی کو دیکھا جائے اور آٹو انڈسٹری کا مجموعی ادراک بھی حاصل کیا جائے۔
سروے میں مختلف برانڈز، گاڑیوں اور موٹر سائیکلوں کے حوالے سے مختلف سوالات پوچھے گئے تھے اور ان سوالات میں سے ایک پیسے کی قدر کے لحاظ سے بہترین کار کے بارے میں بھی تھا۔ عوام کی بڑی تعداد نے مقامی گاڑیوں کے زمرے میں پیسے کی سب سے زيادہ قدر کے لحاظ سے ہونڈا سٹی کو بہترین گاڑی قرار دیا۔ درآمد شدہ گاڑیوں کے زمرے میں گاڑیوں کے مالکان/صارفین کی رائے ٹویوٹا لینڈ کروزر کے حق میں رہی۔
یہ بات قابل ذکر ہے کہ ہونڈا سوک کو سال 2017ء کی بہترین کار کا اعزاز ملا تھا۔
کئی دیگر برانڈز نے عوامی پسند کے ایوارڈز بھی حاصل کیے۔
مکمل رپورٹ اور ایوارڈز جیتنے والوں کی فہرست کے لیے یہاں کلک کیجیے۔
ہونڈا پاکستان نے مالی سال 2016-17ء میں سوک اور سٹی کے 37,004 یونٹس فروخت کیے۔ ادارہ اب تک پاکستان میں ہونڈا سٹی کی پانچ جنریشنز متعارف کروا چکا ہے۔ موجودہ پانچویں جنریشن 31 جنوری 2009ء کو جاری کی گئی تھی۔ ہونڈا سٹی شاہراہوں پر اوسط 18 کلومیٹر فی لیٹر اور شہر کے اندر 12 سے 16 کلومیٹر فی لیٹر دے سکتی ہے۔
ملک بھر سے کل 19,155 جوابات ریکارڈ کیے گئے تھے۔ یہ سروے پاکستان کے آٹوموبائل شعبے میں عوام کے خرچ کرنے کے رحجانات، ڈرائیونگ کی عادات، توقعات اور معمول کے اقدامات کا احاطہ کرتا ہے۔
اس بارے میں اپنی رائے نیچے تبصروں میں دیجیے۔
