انڈس موٹر کمپنی (IMC) نے اپنی آمدنی ظاہر کردی ہے اور نتائج بالکل اچھے نہیں ہیں، کیونکہ کمپنی کے مطابق اس کے منافع میں 22 فیصد کمی آئی ہے۔
تفصیلات کے مطابق، جو کمپنی نے پاکستان اسٹاک ایکسچینج (PSX) کو فراہم کی ہیں، IMC نے مالی سال 2019ء کی تیسری سہ ماہی میں 3.35 ارب روپے حاصل کیے جبکہ گزشتہ سال کے اسی عرصے میں یہ 4.27 ارب روپے تھے۔ مزید یہ کہ مجموعی بنیادوں پر مالی سال 2019ء کے ابتدائی 9 ماہ میں آمدنی بھی سال بہ سال کی بنیاد پر 12 فیصد کم ہوئی ہے۔
واضح رہے کہ سال بہ سال کی بنیاد پر فی حصص آمدنی (EPS) بھی 54.35 روپے سے گرتی ہوئی 42.56 روپے ہوگئی ہے۔ تیسری سہ ماہی میں اس کمی کا سبب امریکی ڈالر کے مقابلے میں روپے کی گرتی ہوئی قدر کی وجہ سے لاگت میں ہونے والا اضافہ اور جن شعبوں میں زیادہ مارجن متوقع ہے وہاں فروخت میں آنے والی کمی ہیں۔ مارجنز موجودہ مالی سال کی پہلی سہ ماہی سے ہی کم ہوتے آ رہے ہیں۔
آمدنی میں کمی کے باوجود کمپنی کی خالص فروخت سال بہ سال میں 13 فیصد اضافے کے ساتھ 41.533 ارب روپے تک پہنچی۔
IMC کے علاوہ ہونڈا نے بھی اپنا منافع ظاہر کردیا ہے اور اس کے مطابق کمپنی نے مالی سال 2018-19ء کے دوران منافع میں 31 فیصد کمی ریکارڈ کی۔ ادارے کا منافع بعد از ٹیکس (PA)T 31 مارچ 2019ء کے خاتمے پر 3.21 ارب ڈالرز پر کھڑا رہا۔ یہ گزشتہ سال کے اسی عرصے کے دوران 4.66 ارب ڈالرز تھا۔
آگے بڑھتے ہوئے دیکھیں تو تیسری سہ ماہی میں پاکستان اسٹیٹ آئل کی آمدنی میں 64 فیصد کی بہت بڑی کمی آئی ہے۔ اس نے مالی سال 2019 ء کی تیسری سہ ماہی میں 1.68 ارب روپے بنائے جبکہ گزشتہ سال کے اسی عرصے میں کمپنی نے 4.70 ارب روپے حاصل کیے تھے۔ مالی سال 2019ء کی پہلی تین سہ ماہیوں میں پاکستان اسٹیٹ آئل کا کل منافع بھی سال بہ سال میں 23 فیصد کم ہوکر 7.89 ارب روپے ہو گیا ہے جبکہ گزشتہ سال کے اسی عرصے میں یہ 10.18 ارب روپے تھا۔
کمپنی کی مالی سال 2019ء کے ابتدائی 9 ماہ میں منافع حاصل کرنے کی کُل صلاحیت میں بھی سال بہ سال میں 55 فیصد کمی آئی ہے جس کے ساتھ یہ 5.93 ارب روپے ہو چکی ہے۔ ہماری طرف سے اتنا ہی، اپنے خیالات نیچے تبصروں میں پیش کیجیے۔
